भांगरभूंय | प्रतिनिधी
नवी दिल्ली, खबरां संस्था ः भारतांतल्या नेटान वाडपी एफएमसीजी क्षेत्रांत दांत कांती टूथपेस्ट हो एक मुखेल ब्रँड जालां अशें पतंजलीन सांगलें. ह्या अभ्यासांत राजस्थानांतल्या बान्सवाडा जिल्ह्यांतल्या हेर कंपनींच्या दांत कांती टूथपेस्ट आनी हेर कंपनींच्या टूथपेस्ट गिरायकांच्या वापराची तुळा केल्या. गिरायकांची आवड आनी समाधानाची पातळी समजून घेवप हो अभ्यासाचो हेत आसा.
कंपनीन म्हणलां, पतंजलीची दांत कांती नीम, लवंग, पुदीना आनी पिपली ह्या आयुर्वेदीक आनी सैमीक घटकां खातीर वळखतात. योग गुरू बाबा रामदेवाच्या आदारान हें उत्पादन आपल्या देशी आनी हर्बलाक लागून गिरायकांक आकर्शीत करता.
ह्या अभ्यासांत प्रस्नपत्रिका वरवीं 300 गिरायकां कडल्यान प्राथमीक म्हायती एकठांय केल्या अशें पतंजलीन सांगलें. दांत कांतीच्या हर्बल आनी आयुर्वेदीक घटक, तशेंच बाबा रामदेवाचो प्रभाव आशिल्ल्यान गिरायकांक दांत कांती चड पसंत आसा अशें ह्या अभ्यासात दिसून आयलां. हेर कंपनींनी आयुर्वेदीक घटक आनी प्रभावी ब्रँड एंडोर्सर हांचेर लक्ष केंद्रीत करचें अशें ह्या अभ्यासांत सुचयलां. गांवगिऱ्या वाठारांनी दंत कांतीचो प्रचार आनी गिरायकांक सूट दिवन लोकां मेरेन हो ब्रँड पावयलां.
दांत कांतीचो दर्जो आनी आयुर्वेदीक गूणधर्माक लागून गिरायकां मदीं लोकप्रिय आसा अशें कंपनीन सांगलां. देशी आनी हर्बल उत्पादनांची मागणी वाडत आसा. हाका लागून पतंजलीक भारतीय बाजारांत फुडारी जावपाची संद मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
