भांगरभूंय | प्रतिनिधी
सुरक्षे विशीं उपाय घेवपाची थळाव्यांची मागणी
प्रतिनिधी: वाळपय सावन नगरगांव मुखेल रस्त्या वयल्या नगरगांव दाबोस पूल जंक्शना कडेन वाहनां सवकासायेन चलोवची पडटात. त्या जंक्शनार संबंदीत विभागान सुरक्षे विशीं उपाय येवजण हातांत घेवंक जाय. अशी थळाव्या लोकांनी मागणी केल्या. ह्या जंक्शनार नगरगांव, वाळपय, वेळूस, दाबोस गांवांनी वचपी रस्ते आसात. मुखेल रस्तो आशिल्ल्यान वाहन चालकांची सदांच यो-वच आसता अशें तांणी म्हणलें.
दाबोस रस्त्यार स्पीडब्रेकार घातला. पूण वळपय-नगरगांव मुखेल रस्त्याक सुरक्षीततायेचीं पावलां उबारूंक जाय. वाळपय-नगरगांव मुखेल रस्त्यार जंक्शनाचे सुवातेर सेगीत आठ ते धा ल्हान उंचायेचे गतीरोधक बसोवपाची गरज आसा.
एखाद्या राष्ट्रीय म्हामार्गार ल्हान उंचायेचे गतीरोधक घालून थंय चकचकपी लेन्स बसयिल्ल्यो आसतात, आनी धवो रंग मारिल्लोआसता. ते प्रमाण वाळपय, नगरगांव, दाबोस जंक्शनार मुखेल दोनूय वटांनी ल्हान उंचायेचे गतीरोधक गरजेचे आसात. हें अपघात प्रवण क्षेत्र जालां.
हाचे आदींय ह्या जंक्शनाचेर अपघात जाल्यात. म्हणून रस्तो विभागान हे सुवातेर सुरक्षीतताये विशीं कारवाय करपाची गरज आसा. ह्या जंक्शनाचेर धोक्याची स्थिती आसून गतीन वाहन चलोवपी वाहन चावक आशिल्ल्यान ते गतीचेर नियंत्रण दवरप गरजेचें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
