भांगरभूंय | प्रतिनिधी
पणजी : काम सुरू आशिल्ल्या गिरी – पर्वरे फ्लायओव्हराच्या (इलीवेटेड कॉरीडॉर) स्पॅनचो एक सेगमेंट गिरी वाठारांत देड मिटर उंचायेवेल्यान कोसळिल्ल्यान हे सुवातेर भंयाचें वातावरण निर्माण जालां. ह्या वेळार येरादारीची कोयंडीय जाली. पुलिसांनी घडणुके सुवातेर वचून येरादारी आदले वरीं सुरळीत केली.
फ्लायओव्हराच्या दोन खांब्यां मदीं बसोवपी काँक्रिटाच्या स्लॅब/पट्ट्याक स्पॅन म्हणटात. १४ वा १७ सेगमेंट (ब्लॉक) एकमेकाक जोडले उपरांत एक स्पॅन तयार जाता. एका स्पॅन मदलो एक सेगमेंट क्रेनचे मजतीन उखलतना देड मीटर उंचायेवेल्यान सकयल कोसळ्ळो, अशी म्हायती बांदकाम खात्याच्या कार्यकारी अभियंत्यांनी दिली.
हो सेगमेंट अडीच मीटर उंचायेर गेलो तेन्ना इलेक्ट्रीकल फॉल्ट निर्माण जाल्ल्यान तो सकयल देंवयताले, अशी म्हायती अभियंत्यांन दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
