भांगरभूंय | प्रतिनिधी
श्रीहरिकोट, खबरां संस्था: भारतीय अंतराळ संशोधन संस्थेन (इस्रो) दिल्ले म्हायती प्रमाण, ध्रुवीय उपग्रह प्रक्षेपण वाहनाक उड्डाणाच्या तिसर्या टप्प्यांत विसंगती मेळिल्ल्यान आयतारा सकाळीं धर्तरी निरीक्षण उपग्रहाचे प्रक्षेपण पुराय करपाक भारतीय अंतराळ संस्थेक येस येवंक ना.
हांगाच्या सतीश धवन अंतराळ केंद्रांतल्यान सकाळीं ५.५९ वरांचेर प्रक्षेपीत जाल्लें अभियान हे सुवाते वेल्यान जावपी १०१वें प्रक्षेपण थारलें. प्रक्षेपणाच्या यत्नां उपरांत इस्रोचे अध्यक्ष व्ही. नारायणन हांणी एका संक्षीप्त निवेदनांत म्हणलें, रॉकेटचे पयले दोन टप्पे सामान्यपणान जाले.
हे मोहिमेंत ईओएस- ०९ हो धर्तरी निरीक्षण उपग्रह आशिल्लो जो सिंथेटीक अपर्चर रडारान सुसज्ज आशिल्लो आनी दिसाचे आनी रातचे हवामान परिस्थितींत उच्च-रिझोल्यूशन प्रतिमा घेवपा सक्षम आशिल्ले. शेतवडीचो सांबाळ, वनीकरण, शारी नियोजन, आपत्ती वेवस्थापन आनी राष्ट्रीय सुरक्षा हाचे सयत विवीध प्रयोग करपा खातीर हो उपग्रह तयार केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
