‘ऑपरेशन सिंदूरा’चो संदेश संवसारांत पातळावपा खातीर शिश्टमंडळ तयार
भांगरभूंय | प्रतिनिधी
नवी दिल्ली, खबरां संस्था ः ऑपरेशन सिंदूर हें भारताचें व्हड येस. ह्या ऑपरेशन सिंदूराचो संदेश संवसारात पातळावपा खातीर केंद्र सरकारान शिश्टमंडळ तयार करपाचो निर्णय घेतला. तातूंत सर्वपक्षीय खासदारांचो आसपाव आसा. हें शिश्टमंडळ संवसारांतल्या वेगवेगळ्या देशांनी वचून भारताची भुमिका मांडटलें. तातूंत तिरुवनंतपुरमचे आदले केंद्रीय मंत्री आनी खासदार शशी थरूर हांचो आस्पाव जाता.
‘ह्या’ सात खासदारांचो शिश्टमंडळांत आसपाव –
केंद्र सरकारान विदेशांत भारताचें प्रतिनिधित्व करपाक सात खासदारांचें शिश्टमंडळ तयार केलां. हांतूत शशि थरूर हांचे सयत भाजपाचे रविशंकर प्रसाद, जेडीयूचे खासदार संजय झा, भाजपाचे खासदार बैजयंत पांडा, डीएमके खासदार कनिमोझी करुणानिधी, राष्ट्रवादी एसपी सुप्रिया सुळे आनी शिवसेनेचे खासदार श्रीकांत शिंदे हांचो आस्पाव आसा.
विदेशी भोंवडे वेळार भारत आतंकवादाक कसो झुजता आनी आतंकवादाच्या आड पुराय संवसार कित्याक एकठांय आसा हें स्पश्ट करतले. केंद्र सरकारान एका परस चड पक्षांतले खासदार विदेशी भोंवडेर धाडपाची ही पयलीच खेप. काश्मीरा संबंदी भारताची भूमिका स्पश्ट करप आनी शिमे वयल्या आतंकवाद आनी पाकिस्तानाची आतंकवादी भुमिका अधोरेखित करप हो हाचो हेत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
