भांगरभूंय | प्रतिनिधी
नवी दिल्ली, खबरां संस्था ः अमेरिकेंत रावपी भारतीयांक आतां पयशे घरा धाडप म्हारग जातलें. ट्रम्प प्रशासन भायल्यान धाडिल्ल्या पयशांचेर म्हळ्यार अमेरिके भायल्या हेर देशांक धाडिल्ल्या पयशांचेर 5% कर लावपाची येवजण आंखता. हाका लागून भारतांत दर वर्सा 1.6 अब्ज डॉलर म्हळ्यार सुमार 13.3 हजार कोटी रुपया कर भरचो पडटलो. अमेरिकेचे राष्ट्राध्यक्ष डोनाल्ड ट्रम्प हाचे खातीर विधेयक हाडपाचे आसात. हातूंत ग्रीन कार्ड धारक आनी एच1बी (H1B) व्हिसाचेर अमेरिकेंत रावपी भारतीयांचो आस्पाव जाता.
पयशे दुपेटीन वाडल्यात….
फाटल्या दशकांत परदेशांतल्यान भारतांत येवपी पयशे दुपेटीन वाडल्यात. मार्च 2025 वर्सा आरबीआयच्या अहवाला प्रमाण 2010-11 वर्सा अनिवासी भारतीयांनी भारतांत 55.6 अब्ज डॉलर धाडले. हो आंकडो 2023-24 वर्सा 118.7 अब्ज डॉलर म्हळ्यार सुमार दुपेटीन वाडलो.
अमेरिका, ब्रिटन, सिंगापूर, कॅनडा, ऑस्ट्रेलिया ह्या देशांनी रावपी अनिवासी भारतीयांनी सगळ्यांत चड पयशे भारतात धाडलें.
विदेशांतल्यान भारतांत धाडिल्ले सगळ्यांत चड पयशे अमेरिकेंत रावपी स्थलांतरीत लोकां कडल्यान आशिल्ले. 2020-21 वर्सा भारतांत येवपी पयशां मदीं 23.4% अमेरिकेंचो वांटो आशिल्लो. जो 2023-24 वर्सा 27.7% मेरेन वाडलो.
भारत नंबर वन
भारत संवसारांतलो सगळ्यांत चड रेमिटन्स मेळोवपी देश आसा. संवसारीक बँकेच्या मतान, भारत 2008 सावन हे वळेरेंत पयल्या क्रमांकाचेर आसा. 2001 वर्सा संवसारीक रेमिटन्सांत भारताचो वांटो 11% आशिल्लो, जो 2024 वर्सा 14% जालो. भारता उपरांत हे वळेरेंत मेक्सिको, चीन, फिलीपीन्स आनी पाकिस्तान हांचो क्रमांक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
