भांगरभूंय | प्रतिनिधी
म्हजें मत
अमेरिका म्हणटा, आमी निमाणे ‘ऑपरेशन सिंदूर’ थांबयलें. तशें कित्याक केलें? पाकिस्तानाक आतंकवाद्यांक ना करपाचो आदेश कित्याक दिलो ना? आतंकवाद म्हणल्यार निमाणें झुजूच हें अमेरिकेक कित्याक कळना?
भारताक संवसाराचो अर्थीक, समाजीक, संस्कृतीक फुडारी करपाची मोख प्रधानमंत्री नरेंद्र मोदी हांणी दवरल्या. अमेरिका ही संवसारीक अर्थीक महासत्ता. पूण मोदी सत्तेर आयले उपरांत भारताची आंतरराष्ट्रीय पांवड्या वयली स्थिती बदलल्या. सद्याची लोकशायवादी संकल्पना म्हणल्यार ‘कोण कायमचे इश्ट वा दुस्मान नात, फकत कायम आसता ती महत्वाकांक्षा’.
ट्रम्पाची अस्थीर आश्वासनां आनी समजुतीं एक दुर्लक्षीत धुसरपण दाखयता. ही परिस्थिती देशी आनी आंतरराश्ट्रीय स्थिरतायेक म्हत्वाचो धोको निर्माण करता. भारत फकत फाटली मोदी- ट्रम्पाची इश्टागत परतून सुरू करपाची आस्त बाळगिता. हाचे आदीं तीन फावटीं दोगांयची भेट जाल्ली. तांचे केमिस्ट्रीक लागून संवसारीक फुडाऱ्यांक ते सगळ्यांत बरो आनी आंतरराश्ट्रीय मंचाचेर एकठांय येवन एक समान द्विपक्षीय अजेंडा मुखार व्हरतले अशें दिसलें. पूण, ट्रम्प अचकीत ऑपरेशन सिंदूरांत हस्तक्षेप केलो. ते तो कसो करपाक शकतात? कारण ताका दिसता की अमेरिकेक पयशांची आनी सत्तेची ताकद म्हणून “संवसारीक गुरू” म्हणटात. आनी ट्रम्प खंयच्याय देशांतल्यान खंयच्याय वेळार खंयच्याय गजालीची विनंती आनी ऑर्डर दिवंक शकता. कारण आमेरिका एक सक्रीय “ग्लोबल गुरू” आसा, अशें ट्रम्प मानता. खरेंच आतंकवादांत कसलो हस्तक्षेप? आनी कित्याक? अर्थांत, आतंकवाद ही झुजाची कृती. भारत कितलो तेंप आतंकवाद सोंसतलो? आतां मेरेन कितल्या झुजांत कोण हारला तें संवसाराक खबर आसा. पूण आतंकवाद सोंपलो ना. आतंकवादाक कायमचो सोंपोवचो पडटलो. पाकिस्तानी भाशेंत सांगचें जाल्यार ‘आतंकवाद जिहाद’.
राजेश बाणवलीकार,
वेगासवाडो, हडफडे बार्देश
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
