भांगरभूंय | प्रतिनिधी
दिवचल: दिवचले जायत्या वाठारांनी सुमार एक वर घोग्यांनी पावस झडलो. हाका लागून हांगची लोकजीण विस्कळीत जाली. मात गिमाच्या दिसांनी खर वत सोंसपी लोकांक पावसान धादोशी केले.
हांगच्या खुबश्या वाठारांत उदक सांठून उरिल्ल्यान लोक आडकून उरले. जोगलायिल्ल्यान आनी गडगड मारिल्ल्यान कांय वेळ ह्या वाठारांत लायटूय नाशिल्ली.
खुबशे कडेन झाडां पडलीं. सध्या उजो पालोपी दळाचे जवान मजत करपाक गुंथल्यात. दिवचले कांय वाठारांनी रस्त्याचें डांबरीकरण काम सुरू आशिल्ल्यान ताचेर परिणाम जावपाची शक्यताय आसा.
पावसा पयलीं सगळीं गटारां नितळ करपा खातीर पालिका आनी पंचायत मंडळान काम सुरू केलां.
फाटले कांय दीस दिवचल म्हालांत पावस पडटलो असो अदमास उक्तायल्लो. सकाळीं कांय वाठारांनी जाल्यार दनपरां शार वाठारांत आनी हेर वाठारांनी घोग्यांनी पावस पडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
