भांगरभूंय | प्रतिनिधी
इम्फाळ, खबरां संस्था: मणिपूरच्या चांदेल जिल्ह्यात फारपेटींत आसाम रायफल्सान १० बंडखोरांक मारले. जिल्ह्यांतल्या दोंगराळ वाठारांत भारत- म्यानमार आंतरराष्ट्रीय शिमे लागसार, राजधानी इम्फाळ सावन १३० किमी अंतराचेर हो फारपेट जालो. बिरेस्तारा सकाळींय ही कारवाय सुरू आशिल्ली आनी ती सोंपल्या उपरांतूच चड म्हायती दितले, अशें कोहिमाच्या संरक्षण दळाच्या जनसंपर्क अधिकार्यांनी सांगलें.
खेंगजोय तहसीलच्या न्य समताल गांवां लागसारा सशस्त्र मनशांचे हालचालींची गुपीत म्हायती मेळटकच आसाम रायफल्स विभागान १४ मेक कारवाय सुरू केली. ह्या वेळार दुबावीतांनी सैन्याचेर फारपेट केलो, जाका जवानांनी रोखडीच जाप दिली. उपरांत जाल्ले फारपेटींत १० जाणांक मारले. ह्या वेळार व्हडा प्रमाणांत शस्त्रां आनी हेर सामान जप्त केल्ल्याची म्हायती लश्करान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
