भांगरभूंय | प्रतिनिधी
हणजुणा रस्तो रूंदीकरणाच्या नांवान न्यायालयाचो अपमान
म्हापशेंः आसगांव ते हणजूण मजगतींच्या बेकायदो रस्तो रूंदीकरणाच्या मुद्यांवेल्यान आरटीआय कार्यकर्ते राजन घाटे आनी कुंभारवाडो हणजूणचे ज्येश्ठ नागरीक जगन्नाथ सावंत उर्फ वाडकार हांणी शिवोलेचे आमदार डिलायला लोबो आनी कळंगुटेचे आमदार मायकल लोबो हांचे आड गुन्यांवकारी अतिक्रमण, तशेंच उच्च न्यायालय आनी सर्वोच्च न्यायालयाचे आदेश मोडिल्ले खातीर पुलिशेंत कागाळ नोंद करून गुन्यांव दाखल करपाची मागणी केल्या.
वयल्या दोनूय आमदारांनी आपल्या हुद्यांचो गैरवापर करून आनी योग्य कायदेशीर प्रक्रिया करिनातना हणजूणच्या खाजगी मालमत्तां मदीं बेकायदेशीरपणान घुसखोरी केली आनी बुलडोझरचे मजतीन बेकायदेशीरपणान ह्यो मालमत्ता मोडिल्ल्याचो आरोप, कागाळ केल्या. हणजूण पुलीशेंत ही फिर्याद दाखल केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
