भारताचे मुखेल न्यायाधीश म्हूण बी आर गवई हांणी घेतलो सोपूत

भांगरभूंय | प्रतिनिधी

नवी दिल्ली, खबरां संस्था ः न्यायाधीश भूषण रामकृष्ण गवई हांणी आयज भारताचे 52 वे मुखेल न्यायाधीश म्हणून सोपूत घेतलो. राष्ट्रपती द्रौपदी मुर्मू हांणी तांकां पदाचो सोपूत दिलो. सध्याचे मुखेल न्यायाधीश संजीव खन्ना हांची मुजत 13 मे दिसा सोंपली.
सरन्यायाधीश खन्ना उपरांत न्यायाधीश गवई हांचें नांव ज्येश्ठतायेचे वळेरेंत आशिल्लें. तांचो कार्यकाळ फकत 7 म्हयन्याचो आसा.
सर्वोच्च न्यायालयाच्या संकेतथळार दिल्ल्या तांच्या प्रोफायला प्रमाण, न्यायाधीश गवई हांकां 24 मे 2019 दिसा सर्वोच्च न्यायालयांत न्यायाधीश म्हणून बढती दिली. तांची निवृत्तीची तारीख 23 नोव्हेंबर 2025.

न्या. गवई हांची कारकिर्द

न्या गवाई हांचो जल्म 24 नोव्हेंबर 1960 दिसा महाराष्ट्रांतल्या अमरावती शारांत जालो. 1985 वर्सा तांणी कारकिर्दीची सुरवात केली. 1987 वर्सा तांणी मुंबय उच्च न्यायालयांत स्वतंत्र प्रॅक्टीस सुरू केली. हाचे आदीं तांणी आदले अॅडव्होकेट जनरल आनी उच्च न्यायालयाचे न्या. दिवंगत राजा एस. भोसले हांचें बरोबर काम केलें.
1987 ते 1990 मेरेन मुंबय उच्च न्यायालयांत प्रॅक्टिस केली. ऑगस्ट 1992 ते जुलय 1993 मेरेन मुंबय उच्च न्यायालयाच्या नागपूर खंडपिठांत सहाय्यक सरकारी वकील आनी अतिरिक्त सरकारी वकील म्हणून तांची नेमणूक जाली. 14 नोव्हेंबर 2003 दिसा मुंबय उच्च न्यायालयांत अतिरिक्त न्यायाधीश म्हणून बडटी मेळ्ळी. 12 नोव्हेंबर 2005 दिसा ते मुंबय उच्च न्यायालयाचे कायमस्वरूपी न्यायाधीश जालें.