भांगरभूंय | प्रतिनिधी
पणजीः गोंय कर्मचारी भरती आयोगा कडल्यान ज्युनियर स्टेनोग्राफर पदाची दुसरी सीबीटी परिक्षा (सीबीटी-3) आग्नेल इन्स्टिट्यूट ऑफ टेक्नॉलॉजी, आसगांव आनी रोझरी कॉलेज, नावेली – मडगांव अशा दोन केंद्रांनी जातली. ही परिक्षा आयतारा 25 मे 2025 दिसा सकाळीं 9.15 ते 10.30 मेरेन जातली.
आयोगान पयलीं सीबीटी-3 परिक्षेची तारीख जाहीर केल्ली पूण आतां केंद्रां आनी वेळ जाहीर केला. उत्तर गोंयांत आग्नेल इन्स्टिट्यूट आनी दक्षीण गोंयांत रोजरी कॉलेज अशीं दोन केंद्रां आसात. अॅडमीट कार्ड उमेदवारांक ईमेल वरवीं धाडल्यात आनी आनीक दोन दिसांनी आयोगाच्या संकेतथळारय ते मेळटले अशी म्हायती आयोगाच्या अधिकाऱ्यांनी दिली. 60 गूणांच्या पेपराक 75 मिनटां वेळ आसतलो. पेपर सकाळीं 9.15 वरांचेर सुरू जातलो. पूण उमेदवारांनी सकाळीं 8.30 ते 9.00 वरां मजगतीं परिक्षा केंद्रांत हाजीर आसपाक जाय.
आयोगान 21 नोव्हेंबर 2024 दिसा ज्युनियर स्टेनोग्राफराचीं 53 पदां भरपाची जायरात जारी केल्ली. दुसरी सीबीटी परिक्षे खातीर 250 उमेदवार हाजीर आसतले. परिक्षेक पात्र थारिल्ल्या उमेदवारांची वळेरी आयोगान पयलींच जाहीर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
