भांगरभूंय | प्रतिनिधी
नवी दिल्ली, खबरां संस्था: फाटल्या दसकांत भारतांतल्या मुखेल बंदरांनी सेगीत तोखणायेची उदरगत केल्या. अर्थीक वर्स २०२४-२५, माल येरादारी सांबाळप, परिचालन कार्यक्षमताय आनी मुळाव्या सुविधांच्या आधुनिकीकरणाचे विशीं एक मैल थारला.
अर्थीक वर्स २०२४-२५ त, मुखेल बंदरांनी माल येरादारी हाताळणी ४.३% प्रभावी वर्सुकी वाड नोंद केली. माल येरादारी हाताळणी अर्थीक वर्सा २०२३-२४तल्या ८१९ दशलक्ष टनां वेल्यान अर्थीक वर्स २०२४-२५त सुमार ८५५ दशलक्ष टनांचेर पावली. ही वाड वाडपी वेपाराच्या प्रमाणांत आसपाव करून घेवपाची मुखेल बंदरांची लवचिकताय आनी तांक अधोरेखीत करता. फाटल्या अर्थीक वर्साचे तुळेंत कंटेनर थ्रूपुट (१०%), सारें माल येरादारी (१३%), पीओएल माल हाताळणी (३%) आनी हेर विवीध वस्तूंची हाताळणी (३१%) हाका लागून येरादारींत वाड जाल्या.
मुखेल बंदरांचेर हाताळपी वस्तूंमदीं पेट्रोलियम, तेल आनी वंगण (पीओएल) अग्रस्थानी आशिल्ल्यान हातूंत कच्चें तेल, पेट्रोलियम उत्पादनां आनी एलपीजी /एलएनजी हांचो आसपाव आसा. अर्थीक वर्स २०२४-२५त तांचें प्रमाण २५४.५ दशलक्ष टन (२९.८%) आशिल्ल्यान ताचे फाटोफाट कंटेनर येरादारी १९३.५ दशलक्ष टन (२२.६%), कोळसा १८६.६ दशलक्ष टन (२१.८%) आनी लोहखनीज, छर्रे, सारें आनी हेर वस्तुंचो आसपाव आसा.
मुखेल बंदरांचो इतिहासात पयलेच फावट, पारादीप बंदर प्राधिकरण (पीपीए) आनी दीनदयाळ बंदर प्राधिकरण (डीपीए) हांणी १५० दशलक्ष टन माल हाताळणीचो टप्पो हुपलो. हाका लागून सागरी वेपार आनी परिचालन उत्कृष्टतेचें मुखेल केंद्र म्हणून तांचें स्थान आनीक घटमूट जालें. मजगतीं, जवाहरलाल नेहरू बंदर प्राधिकरणान (जेएनपीए) ७.३ दशलक्ष टीईयू हाताळणी करून विक्रम प्रस्थापीत केला, जो वर्सुकी १३.५% वाढ दाखयता.
अर्थीक वर्स २०२४-२५त, भारतीय बंदरांनी एकठांय येवन बंदर-प्रणित औद्योगिकीकरणा खातीर ९६२ एकर जमिनीची तरतूद केली, जातुंतल्यान अर्थीक वर्स २०२४-२५त ७,५६५ कोटी रुपया उत्पन्न मेळपाचो अदमास आसा. हाचे भायर, वाटप केल्ले जमनीचेर ६८,७८० कोटी रुपयांची गुंतवणूक, भाडेपट्टेधारक फुडाराक करतले अशी अपेक्षा आसा. हातुंतल्यान बंदर-प्रणित विकासाचेर गुंतवणूकदारांचो विस्वास परत घट्ट जाला. ह्या परिवर्तनांत खाजगी मळावेलो वाटो म्हत्वाचो थारलो. मुखेल बंदरांतल्या पीपीपी प्रकल्पांतली गुंतवणूक तिपेटीन वाडली. अर्थीक वर्स २०२२-२३त ती १,३२९ कोटी आशिल्ली, अर्थीक वर्स २०२४-२५त ती ३,९८६ कोटी जाली. हातुंतल्यान गुंतवणूकदारांचो विस्वास आनीक घटमूट जाता.
परिचालन कामगिरींतली सुधारणा अर्थीक वर्स २०२४-२५तूय सुरू रावली. प्री-बर्थींग डिटेन्शन (पीबीडी) वेळेत (पोर्ट अकावंटचेर) अर्थीक वर्स २०२३-२४ च्या तुळेंत सुमार ३६% वाड जाली. अर्थीक नदरेन, मुखेल बंदरांच्या वट्ट उत्पन्नांत अर्थीक वर्स २०२४-२५त ८% वाड जाली. तें अर्थीक वर्स २०२३-२४ तल्या २२,४६८ कोटी रुपयांवेल्यान २४,२०३ कोटी रुपयांचेर पावले. ते प्रमाण, परिचालन अधिशेष ७% वाडून अर्थीक वर्स २०२३-२४ वर्सा मदल्या ११,५१२ कोटी रुपयांवेल्यान १२,३१४ कोटींचेर पावलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
