भांगरभूंय | प्रतिनिधी
नवी दिल्ली, खबरां संस्था: सध्या भारत आनी पाकिस्तान शिमेचेर शांतिकाय आसा. मात, तरी दोनूय देशांतल्या ताणाचे फाटभूंयेर जतनाय घेतात. हे फाटभूंयेर एअर इंडिया आनी इंडिगोन आयज खुबश्या शारांतलीं उड्डाणां स्थगीत करपाचो निर्णय घेतला. दोनूय देशां मदलो ताण आनी हवाई निर्बंध आनी सुरक्षिततायेच्या कारणाक लागून हो निर्णय घेतला, अशें सांगतात.
इंडिगो उड्डाणां
इंडिगोन श्रीनगर, जम्मू, अमृतसर, लेह, चंदीगड आनी राजकोटाक वचपी आनी येवपी सगल्या विमानांचीं उड्डाणां रद्द करपाचो निर्णय घेतला. मजगतीं, एका निवेदनांत एअरलायनान म्हणलां, ‘‘कांय शारांतलीं उड्डाणां स्थगीत केल्ल्यान तुमच्या प्रवासाक कशी आडखळ येवं येता हें आमकां खबर ना. मात आमी परिस्थितीचेर लक्ष दवरून आसात. फुडल्या अपडेटची म्हायती तुमकां आमी दितले.’’
एअर इंडियाचीं उड्डाणां
एअर इंडियान जम्मू, लेह, जोधपूर, अमृतसर, भुज, जामनगर, चंदीगड आनी राजकोट वचपी आनी येवपी सगलीं विमानां आयज रद्द करपाचो निर्णय घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
