भांगरभूंय | प्रतिनिधी
नामनेचो क्रिकेट खेळगडो विराट कोहलीन टॅस्ट क्रिकेटींतल्यान निवृत्तीची घोशणा केल्या. तांणी इन्स्टाग्रामा वरवीं ही म्हायती दिली.
ह्यान पयलीं विराट कोहलीन टॅस्ट मॅचींतल्यान निवृत्तीची इत्सा उक्तायल्ली. तांणी ताचे पयलीं भारतीय क्रिकेट नियामक मंडळाक (बीसीसीआय) हे विशीं म्हायती दिल्ली. तशेंच बीसीसीआयन ताका ताचच्या निर्णयाचेर परत विचार करपाक सांगिल्लें.
बॉर्डर-गावस्कर मॅचींत विराटची कामगिरी बरी नाशिल्ली. कारण तांणी २५ परस उणे रन्स काडिल्ले. हे मॅचींत तांणी २३.७५चे सरासरीन रन्स काडले. ८ मदल्या ७ फावटीं तो ऑफ स्टॅम्पच्या भायल्या बॉलाचेर आवट जालो. बीजीटींत कोहलीन ९ डावांत १९० रन्स काडले जातूंत एके नॉट आवट सॅन्चुरीचो आसपाव आसा. फाटलीं ५ वर्सांत ताणें ३६ टॅस्ट मॅचींनी फकत ३ सॅन्चुरी मारल्यात. ह्यान पयलीं कोहलीन टी-२० क्रिकेटींतल्यान निवृत्ती घेतिल्ली. मात आयपीएल २०२५ वर्सा तो बरोच फॉर्मान आशिल्लो दिसलो. तांणी आतां मेरेन ११ मॅचींनी ५०५ रन्स काडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
