भारत-पाक झूज बंद जाले उपरांत २२०० अंकांनी वाडलो सॅन्सेक्स

भांगरभूंय | प्रतिनिधी

मुंबय, खबरां संस्था: भारत आनी पाकिस्तानांत झूज बंदीचे घोशणे उपरांत आयज शेअर बाजारांत वाड दिसून आयलो. सॅन्सेक्स २२०० अंकांनी (२.८०%) वाडून ८१,७००चे पातळेर वेव्हार करता. निफ्टीय सुमार ७०० अंकांनी (२.८६%) वयर आसा. ते २४,७००चे पातळेर आसा.
सॅन्सेक्सच्या ३० मदल्या २९ शेअर्सांत वाड जाल्या. अदानी पोर्ट्स, बजाज फायनान्स, ऍक्सिस बँक हाचे सयत १७ समभाग ४.५% मेरेन वाडल्यात. जाल्यार एकल्या सन फार्माचे शेअर्स ५.५% देंवल्यात.
निफ्टीच्या ५० मदल्या ४७ समभागांत वाड जाल्या. क्षेत्रीय निर्देशांत रिअल्टी ४.७१%, धातू ३.४०%, भौशीक मळावेल्यो बँको २.८८%, खाजगी बँको २.८४%, आयटी २.३९% आनी ऑटो २.३३% न वाड जाल्या.

मिड-स्मॉल कॅप इंडेक्स ४% वाडलो
एनएसई आंतरराष्ट्रीय एक्सचेंजाचेर वेव्हार जावपी निफ्टी सुमार ७५० अंकांनी (३.१०%) वाडून २४,८०० चेर पावलो.
बीएसई स्मॉल-कॅप निर्देशांक १,६७८ अंकांनी (३.५९%) वाडून ४८,४२०चेर वेव्हार करताले.
मिड-कॅप निर्देशांक १,१७५ अंकांनी (२.७९%) वाढला आनी ४३,२८७ चेर वेव्हार करता.

आयच्या शेअर बाजारांत वाड जावपाचीं ५ कारणां
झूज बंदी उपरांत भारत आनी पाकिस्ताना मदलो ताण उणो जाला. ह्या प्रकरणा कडेन संबंदीत सगल्या घडामोडींचेर गुंतवणूकदार लक्ष दवरतले.
एप्रील म्हयन्यांतले किरकोळ म्हारगायेचे आंकडे १३ मेक जाहीर करतले. एप्रिलांत म्हारगाय ३% परस उणी जावपाची अपेक्षा आसा.
एमआरएफ, पीएनबी बँक, हिंदुस्तान पेट्रोलियम, अदानी पोर्ट्स आनी अदानी एंटरप्रायझेस सयत जायत्या कंपन्यांचे तीन म्हयन्यांचे निकाल अपेक्षे परस बरे आशिल्ले.
फाटल्या सप्तकांत, विदेशी संस्थात्मक गुंतवणूकदारांनी (FIIs) विकत घेवपाचो नेट चालूच दवरलो आनी ह्या विभागांत सुमार ५,०८७ कोटी रुपयांचे शॅरर्स विकते घेतले.
भारत आणि युरोपियन युनियन (EU) हांचे मदलो मुक्त वेपार कराराचेर वाटाघाटीचा ११ वो टप्पो आयच्यान सुरू जाता. आस्त आसा, हो करार येसस्वी जातलो.

संवसारीक बाजारांत मिश्र वेवसाय
आशियाई बाजारांत जपानाची निक्की मात्शी वाडल्या. ताचो वेपार ३७,५२० इतलो आसा. कोरियाचो कोस्पी ०.४१ टक्क्यांनी वाडून २,५८८ जालो.
हॉंगकॉंगचो हँग सेंग निर्देशांक १५६ अंकांनी (०.६८%) वाडून २३,०२४ अंकांचेर पावला. त्याच वेळार चीनाचो शांघाय कंपोझिट मात्सो देंवल्या उपरांत ३,३५५चेर बंद जालो.
९ मे दिसा अमेरिकेचो डाव जोन्स ११९ अंकांनी (०.२९%) देंवून ४१,२५० अंकांचेर पावलो. नॅस्डॅक कंपोझिट किमान वाडून १७,९२९ चेर बंद जालो. तशेंच एस अँड पी ५०० निर्देशांक मात्सो देंवून ५,६६०चेर बंद जालो.

विदेशी गुंतवणूकदारांचो बाजाराचेर विस्वास कायम
मे म्हयन्यांत आतां मेरेन विदेशी गुंतवणूकदारांनी (ऋखखी) ७,८५७.२३ कोटी रुपयांचे शॅर्स विकत घेतल्या आनी देशा खाला गुंतवणूकदारांनी (FIIs) १३,७४१.४५ कोटी रुपयांचे विकत घेतल्यात.
एप्रिलांत विदेशी गुंतवणूकदारांनी केल्ली निव्वळ खरेदी २,७३५.०२ कोटी रुपया आशिल्ली. देशा खाला गुंतवणूकदारांनीय ह्या म्हयन्यांत २८,२२८.४५ कोटी रुपयांची निव्वळ खरेदी केली.