भांगरभूंय | प्रतिनिधी
पणजी : सांगोल्डेंच्या कासा दे कॅटसन हॉटेलांत गुन्यांवकार तरेन घुशिल्ल्यान, तशेंच संमती बगर व्हिडियो रॅकोर्ड करप. ह्या प्रकरणांत साळगांव पुलिसांनी आत्माराम गडेकार (काणका) आनी इम्रान (खोर्ली, म्हापशें) हांचे आड गुन्यांव नोंद केला.
साळगांव पुलिसांनी दिल्ले म्हायती प्रमाण, ह्या प्रकरणांत कासा डी कॅटसन हॉटेलाचे कर्मचारी लज्जित हांणी कागाळ दाखल केल्या. ते प्रमाण, आयतारा ४ मेक रातच्या १० वरांचेर दबावीत आत्माराम गडेकार (काणका) आनी इम्रान (खोर्ली, म्हापशें) हांणी वेवस्थापनाचे परवानगे बगर प्रवेश करून हॉटेलाचे कर्मचारी, सोयर्यांचे तशेंच हॉटेल वाठारांतल्या हेर भागाचें व्हिडिओ रेकॉर्डिंग सुरू केलें. हाका कर्मचार्यांनी विरोध केलो आनी परवानगी घेतिल्ल्याची तांचे कडेन म्हायती मागली. मात त्या दुबावितांनी तांकां वायट उतरां दिलीं. तशेंच कर्मचार्याक हाचे वायट परिणाम सोंसचे पडटले अशी धमकीय दिल्ल्याचें कागायींत नमूद केलें.
ह्या सगल्याची दखल घेवन साळगांव पुलीस स्टेशनाचे प्रभारी निरीक्षक राहुल परब हांणी दुबावितां आड भारतीय न्याय संहितेच्या कलम ३२९(४), ३५२, ३५१(३) खाला गुन्यांव दाखल करून तपास सुरु केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
