भांगरभूंय | प्रतिनिधी
नवी दिल्ली, खबरां संस्था ः पाकिस्ताना कडल्यान शेनवाराजाल्ले फारपेटींत बीएसएफांत तैनात आशिल्ले बिहारचे उपनिरीक्षक मोहम्मद इम्तियाज शहीद जाले. आरएस पुरो सेक्टरांत कर्तव्याचेर आसतना जाल्ले फारपेटींत ते जखमी जाले. आयतारा सांजेवेळा मेरेन ताची कूड गांवांत हाडटले.
शेनवारा सांजेवेळार ५ वरांचेर भारत आनी पाकिस्तानांत झूजाची बंदी लागू जाली. उपरांत वट्ट ३ वरांनीच पाकिस्तानान शस्त्रसंधी मोडली.
१२ दिसांनी ४ सैनीक शहीद, ६० जखमी
२२ एप्रील ते १० मे मेरेन पाकिस्तानी फारपेटींत चार जवान शहीद जाल्यात. पाकिस्तांनी हल्ल्यांत ६० सैनीक जखमी जाल्यात. तेन्नाच, १७ नागरिकांकूय मरण आयलें आनी ६० परस चड लोक जखमी जाल्यात. तशेंच राजौरीचे अतिरिक्त जिल्लो विकास आयुक्त (ADDC) डॉ. राज कुमार थापा हेय पाकिस्तानी फारपेटींत जखमी जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
