भांगरभूंय | प्रतिनिधी
नवी दिल्ली, खबरां संस्था ः भारतांतले लोक आतां व्हड प्रमाणांत आयुर्वेदीक उत्पादनांचो वापर करतात. हाचो अर्थ सैमीक आनी सेंद्रीय उपायांचेर लोक चडांत चड विस्वास दवरपाक लागल्यात. हाचें सगळ्यांत व्हडलें कारण म्हळ्यार ह्या वखदांची सुरक्षीतताय आनी परिणामाची हमी. आयुर्वेद आनी आधुनीक विज्ञान हांचो मेळ आपल्या संशोधन आनी विकास प्रयोगशाळा वरवीं म्हळ्यार R&D लॅबांतल्यान करतात अशें पतंजलीन सांगलें.
पतंजली रिसर्च फावंडेशन आपल्या उत्पादनांची सुरक्षीतताय आनी परिणामकारकता सुनिश्चीत करपा खातीर अत्याधुनीक तंत्रज्ञान आनी शास्त्रीय पद्दतींचो वापर करता. ह्या प्रयोगशाळेंत 300 परस चड शास्त्रीय वनस्पती आनी सैमीक उत्पादनांचेर खोलायेन संशोधन करतात.
उच्च दर्ज्याच्या वनस्पतींचो उपेग: पतंजली
कंपनीन म्हणलें, “पतंजलीची R&D प्रक्रिया कच्चे मालाची निवड पसून सुरू जाता. जंय उच्च दर्जाचीं जडीबूटी आनी सैमीक घटक वेंचून काडटात. ताची शुध्दताय आनी दर्ज्याचें संशोधन करपा खातीर अत्याधुनीक मायक्रोबायोलॉजी प्रयोगशाळेचो उपेग करतात. उत्पादनांची सुरक्षीतताय सुनिश्चीत करपा खातीर जनावरांचेर आनी मनशाचेर चांचण्यो करतात. पतंजलीच्या इन विव्हो लॅबांक समिती फॉर कंट्रोल अँड सुपरविजन ऑफ एक्सपेरिमेंट्स ऑन एनिमल्स समितीन (CCSEA) मान्यताय दिल्या.
कंपनीच्या म्हणण्या प्रमाण, लॅबांनी NABL, DSIR आनी DBT ह्या प्रतिश्ठीत संस्थांक मान्यताय मेळिल्लीं उपकरणां वापरतात. दरेका उत्पादनाची खर चांचणी जाता. हातूंत स्थिरताय, विखारीपण आनी परिणामकारता हांचें मुल्यांकन आसपावीत आसा. देखीक पतंजलीचे च्यवनप्राश आनी हर्बल शाबू सारकिल्या उत्पादनांक तांच्या दर्ज्या खातीर नामना मेळ्ळ्या. फकत भारतांत न्हय तर संवसारीक बाजारांत आयुर्वेदाची विस्वासपात्रताय वाडोवप हो कंपनीचो हेत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
