भांगरभूंय | प्रतिनिधी
इस्लामाबाद, खबरां संस्था ः भारत आनी पाकिस्तान मदीं तणावाची स्थिती चालू आसा. हातूंत पाकिस्तानाक भुंयकांपाचो धक्को बसलो. रातीं सुमार 1.44 वरांचेर 4.0 रिश्टर स्केल भुंयकांप जाणवलो. हाका लागून पयलींच संकश्टांत आशिल्ल्या पाकिस्तानाचेर दुप्पट संकश्ट आयलां. पाकिस्तानांत सध्या भंयाचे वातावरण पातळ्ळां.
मेळिल्ले म्हायती प्रमाण, पाकिस्तानांत सकाळीं 1.44 वरांचेर 4.0 रिश्टर स्केल भूंयकांप जाल्लो. राश्ट्रीय भूंयकांपशास्त्र केंद्रान ही म्हायती दिल्या. तशेंच ह्या भूंयकांपाक लागून लोकां मदीं भिरांत पातळ्ळ्या. पूण आतां मेरेन कसलीच जिवीत वा मालमत्तेचे लुकसाण जाल्ल्याची खबर मेळूंक ना. ह्या भूंयकांपाचें केंद्र 10 किलोमीटर खोलायेचेर आशिल्लें आनी ताचें स्थान उत्तर अक्षांश 29.67 आनी पूर्व रेखांशाचेर 66.10 अंश नोंद जालां.
मजगतीं, हाचे आदीं सोमारा पाकिस्तान आनी अफगाणिस्तानांतल्या कांय वाठारांनी 4.2 रिश्टर स्केलाचो भूंयकांप जाणवल्लो. तो भूंयकांपय 10 किलोमीटर खोलायेचेर आशिल्लो. मजगतीं, ताचे आदीं 12 एप्रीलाक पाकिस्तानांत खर भूंयकांप जाल्लो. ह्या भूंयकांप 5.8 रिश्टर स्केल इतलो आसलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
