भांगरभूंय | प्रतिनिधी
नवी दिल्ली : कंधार विमान अपहरण प्रकरणांतलो आतंकवादी अब्दुल रौफ अजहर हाका मारलो. तो पाकिस्तानांत लिपून बशिल्लो आनी दर दिसा भारता आड वीख ओंकतालो. भारतीय सैनिकांनी ताका मारून उडयलो.
जैश-ए-मोहम्मद हे आतंकवादी संघटणेचो रौफ दुसऱ्या नंबरा वयलो फुडारी आशिल्लो. तो मसूद अजहराचो धाकटो भाव. पाकिस्तानी लश्कर आनी गुप्तहेर संघटणा आयएसआयचें ताका खूब काळा सावन संरक्षण मेळिल्लें. तो रावलपिंडी संवसारीक आतंकवादी वळेरेंत आस्पाव करचे खातीर परतून परतून यत्न केलो, जाका चीनान विटो केल्लो. रऊफ अजहर 1999 त कंधार अपहरण आयसी-814 चो मास्टरमायंड आशिल्लो. तातूंत इंडियन अॅरलायन्सचें विमान काठमांडू सावन दिल्ली वतना अपहरण केल्लें. ह्या अपहरणाचो उद्देश ताचो भाव मसूद अजहराक भारतीय बंदखणींतल्यान सोडोवप आशिल्लो. रौफान पाकिस्तानी गुप्तहेर संस्था आयएसआय वांगडा मेळून हे कारस्थान येसस्वी केल्लें. हें विमान अमृतसर, लाहो, दुबय सावन कंधार व्हेल्लें. अपहरण करप्यांनी 176 प्रवाशी आनी 15 क्रू मेंबरांच्या बदल्यात मसूद अजहर, मुश्ताक जरगर आनी उमर शेख हांकां सोडपाची मागणी केल्ली. आतां भारतीय सैनिकांनी ताचोय बदलो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
