भारतीय सशस्त्र दळाचो अभिमान : मुकेश अंबानी
भांगरभूंय | प्रतिनिधी
मुंबय :
ऑपरेशन सिंदूर खातीर आमकां आमच्या भारतीय सशस्त्र दळाचो खूब अभिमान आसा. भारत एकवटीत उबो आसा, संकल्पान उग्र आनी उद्देशान अविचल आसा, सगळ्या प्रकारच्या आतंकवादाच्या दुस्वासा आड प्रधानमंत्री नरेंद्र मोदी हांच्या धाडसी आनी निर्णायक फुडारपणा खाला भारतीय सशस्त्र दळान शिमेवयल्यान येवपी दरेका चिथावणीक अचूकतायेन आनी शक्तीन जाप दिल्या, अशें रिलायन्स इंडस्ट्रीज लिमिटेडचे अध्यक्ष आनी एमडी मुकेश अंबानी हांणी म्हणलें.
आतंकवादा मुखार भारत केन्नाच शांत रावचो ना आनी आमचे भुंयेचेर, आमच्या नागरिकांचेर वा आमच्या राश्ट्राची राखण करपी शूर दादल्या-बायलांचेर एकूय हल्लो आमी खपोवन घेवचे नात हें प्रधानमंत्री मोदी हांच्या फुडारपणान दाखोवन दिलां. आमच्या शांततायेक येवपी दरेक धोक्याक खर आनी निर्णायक कारवाय करतले, हें फाटल्या कांय दिसांनी भारतान दाखोवन दिलां, अशेंय तांणी म्हणलें.
आमची राश्ट्राची एकवट आनी अखंडताय राखपा खातीर खंयच्याय उपायांक तेंको दिवपाक रिलायन्स कुटुंब तयार आसा. आमकां आमचे वांगडी भारतीय मानतात, भारत शांतताय सोदता, पूण आपल्या अभिमान, सुरक्षा वा सार्वभौमत्वाच्या मोलाचेर न्हय. एकठांय जावन आमी उबे रावतले. आमी झगडटले. आनी आमी जैतिवंत जातले, अशेंय निमाणें अंबानी हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
