भांगरभूंय | प्रतिनिधी
बेळगांव : बेळगाव वीरराणी कित्तूर चन्नम्मा, क्रांतिवीर संगोळ्ळी रायण्णा आनी बेळवडी मल्लम्मा ह्या क्रांतिवीरांची भूंय. देशाक स्वातंत्र्य मेळोवन दिवपाक ह्या क्रांतीवीरांचो मोलाचो वाटो आशिल्लो. बेळगांवच्या मराठा सेंटरांत बेळगांवच्या मातयेंत तयार जाल्ले जवान अधिकारी देशाचे रक्षण करतातूच. ताचे वांगडा बेळगांव जिल्ह्यांतली सून कर्नल सोफिया कुरेशी बेळगांवच्या विरांचें दायज मुखार व्हरता. सोफिया हांणी पाकिस्ताना आडच्या भारताच्या ‘ऑपरेशन सिंदूर’ ह्या पुराय संवसाराचें लक्ष ओडून घेवपी लश्करी कारवाये विशींची म्हायती पत्रकार परिशदेंत दिल्या. लश्कराच्या इतिहासांत अशें पयलेच फावट जालां.
सगल्या भारतीयांक अभिमान दिसचो अशें ऑपरेशन सिंदूर येसस्वीपणान राबयलें. हे कारवायेंत बेळगांव जिल्ह्यांतल्या गोकाक म्हालांतल्या कोण्णूर गांवाचे सुनेन म्हत्वाची भुमिका केल्या. ही बाब बेळगांव जिल्ह्यांतल्या लोकांची मान अभिमाना मुखार सरल्या. कर्नल सोफिया हिचो घोव बेळगांव जिल्ह्यांतल्या गोकाक तालुक्यांतलो. दोगांय जाणां लश्करांत कर्नल पदाचेर आसात. सोफियाचो घोव ताजुद्दीन बागेवाडी हांणी २०१५ त सोफिया वांगडा प्रेमविवाह केल्लो. सोफिया ही गुजरांतल्या बडोद्याची. ती सध्या जम्मूंत काम करता, तर घोव ताजुद्दीन झाशींत काम करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
