भांगरभूंय | प्रतिनिधी
उत्तरकाशी, खबरां संस्था: उत्तराखंडाक सुरु आशिल्ले चारधाम यात्रे वेळार बिरेस्तारा सकाळीं उत्तरकाशींत हेलिकॉप्टर कोसळ्ळें. मुळावे म्हायती प्रमाण, हे घडणुकेंत पांच भाविकांक मरण आयलां. सात सिटांच्या ह्या हॅलिकॉप्टराक गंगोत्री लागसारा अपघात जालो. म्हायती मेळटांच रोखडेंच आपत्ती वेवस्थापन विभागाचो पंगड घडणुके सुवातेर दाखल जालो आनी तांणी मजत कार्याक सुरुवात केली.
पुलीस आनी सैन्य दळाचे पंगडूय दाखल जावन तांणी मजत केली. अपघात जालो थंय टीम १०८ च्यो ऍम्बुलन्सीय पावल्यो. गंगानी पसून फुडें नाग देवळा कडेन सकयले दिकेन भागिरथी न्हंये लागसार हो अपघात जाला. हें हॅलिकॉप्टर एरो ट्रिंक हे खाजगी कंपनीचें. जातूंत सात प्रवाशी आशिल्ले. दोन प्रवासी गंभीर आशिल्ल्याचें कळटां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
