भांगरभूंय | प्रतिनिधी
मडगांव : बंगळुरूच्यान पर्यटना खातीर आयिल्ल्या कुटुंबांतलो सात वर्सां पिरायेचो चलो माजोड्डें दर्यादेगेर खेळटना शेणलो. पालकांचे कागाळी उपरांत पर्यटक पुलिसांनी जीवरक्षकांच्या सहकार्यांतल्यान ताका सोदून पालकांचे सुवादीन केलो.
मेळिल्ले म्हायती प्रमाण, बंगळुरूचें शर्मा कुटूंब गोंयांत आयिल्लें. गोंय भोंवडी केले उपरांत बुधवारा सांजेवेळार स वरांचेर माजोड्डें दयार्रदेगेर ते न्हाताले. तांचो सात वर्सां पिरायेचो पूत दर्याच्या वाठारांत खेळटालो. कांय वेळान पळयतकच पूत दिसूंक ना. तांणी ताका आशिकुशीक सोदलो. मात तो खंयच दिसूंक ना. हाका लागून शर्मा कुटुंबीयांनी हाची म्हायती पर्यटक पुलिसांक दिली. पुलिसांनी भुरग्याचो फोटो आनी हेर म्हायती जाणून घेवन जीवरक्षकांचे मजतीन सोद मोहीम सुरू केली. गस्त घालपी पुलिसांक हो भुरगो दर्यादेग वाठारांत शिवारन ह्या शॅका लागसारच्या वाठारांत दिसलो. पुलिसांनी वळख पटोवन आनी हेर कागदपत्रांचे प्रक्रिये उपरांत भुरग्याक ताच्या आवय- बापायक हाडून दिलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
