‘ऑपरेशन सिंदूर’ पत्रकार परिशदेंत पयलेच फावट बायल लश्करी अधिकारी
भांगरभूंय | प्रतिनिधी
नवी दिल्ली : लश्कराच्या ऑपरेशन सिंदूर’ विशीं आयज विदेश सचीव विक्रम मिसरी हांणी म्हायती दिली. त्या पत्रकार परिशदेंत लश्कराची कर्नल सोफिया कुरेशी आनी हवाई दळाची व्योमिका सिंग आशिल्लीं. भारतीय इतिहासांत पयले खेपे लश्करी हल्ल्याचे पत्रकार परिशदेंत बायल अधिकाऱ्यांनी वांटो घेवन म्हायती दिली.
सिग्नल्साची कुरेशी हाचे पयलीं २०१६ त लश्करी संचलनाचें फुडारपण करपी पयली बायल कमांडर थारिल्ली. कुरेशी ही मूळ गुजराताची.
पाकिस्तानान पहेलगामांत २६ पर्यटकांक मारिल्ले. ताचो सूड घेवपाक लश्करान काल मध्यानरातीं हल्लो केलो. दुसरी बायल अधिकारी व्योमिका सिंग. एनसीसी उपरांत तिणें हवाई दळांत नोकरी केली. थंय ती हॅलिकाॅप्टर पायलट आशिल्ली. २०१९ त ताका हवाई दळांक पर्मनेंट कमिशन मेळ्ळें. तांच्या घरांत हाचे पयलीं कोणूच लश्करांत गेल्लो ना. गिर्यारोहणाचीय ताका संवय आसा.
२५ मिनटांत ९ जाग्यांचेर हवाई हल्लो केलो. हातूंत पाकिस्तान आनी पाक व्याप्त काश्मीराचो आसपाव आसा. थंय आकांतवाद्यांचीं २१ थळां आसात, अशे कुरेशी हांणी सागले. रातीं १.०५ ते १.३० मेरेन हो हल्लो जालो. णव जाग्याचेर हो हल्लो जालो. चार पाकिस्तानांत आनी पांच पाक व्याप्त काश्मिरांत तीं ठिकाणां आसात.
हे मोहिमेचें ‘ऑपरेशन सिंदूर’ हें नांव प्रधानमंत्री नरेंद्र मोदी हांणी स्वता दवरिल्लें, अशीय खबर मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
