भांगरभूंय | प्रतिनिधी
हुबळीः हुबळी तालुक्यांतल्या कुसुगल गांवा लागसार इंगळहळ्ळी क्रॉसा लागसार मोटार आनी लॉरी मदीं भिरांकूळ अपघात जालो. ह्या अपघातांत पांच जाणांक जाग्यारुच मरण आयलें.
चड म्हायती प्रमाण, विजयपूर सावन हुबळी येवपी मोटारीच्या ड्रायव्हराचे नियंत्रण सुटले आनी मुखारच्यान येवपी लॉरीक धपको बसलो. हो धपको इतलो नेटान बसलो हांतूंत जाग्यारुच 5 जाणांक मरण आयलें. श्वेता (29), अंजली (26), संदीप (26), विठ्ठल (55) आनी शशिकला (40) अशीं मरण आयिल्ल्यांची नांवा आसात. मरण आयिल्ले सगळे शिवमोगा जिल्ह्यांतल्या सागर हांगचे रावपी आसात. ते सगळे हॉटेल वेवसाया खातीर बागलकोटाक गेल्ले. काम सोंपतकच हुबळी मार्गान शिवमोगाक परततना हो अपघात जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
