भांगरभूंय | प्रतिनिधी
पणजी : केपेंच्या भवानी ज्वेलर्सांत गिरायक म्हणून आयिल्ल्या तिगां बायलांनी सुमार ३.७८ लाखांच्यो भांगराच्यो वस्ती चोरिल्ल्यो. आतां ह्या प्रकरणांत केपें पुलिसांनी जया बडगुजर हे बायलेक सुमार दोन म्हयन्यां उपरांत अटक केल्या. हेर दोगां बायलांचोय सोद पुलीस घेतात.
नेमकें प्रकरण कितें?
ही घडणूक शेनवारा २२ मार्चाक दनपरां घडिल्ली. भांगरा वस्ती घेवपाच्या हेतान दोन बायलो दुकानांत दाखल जाल्यो. तांणी सेल्समनाक विवीध भांगराच्यो वस्ती दाखोवपाक सांगलें. हाचे मजगतीं हात चलाखी करून तांतल्यो कांय भांगरा वस्ती बॅगांत लिपोवन आनी कसलोच दुबाव येवपाक दिनासतना दुकानांतल्यान पळून गेल्यो.
दुकानाची धनीण पिंकी पाल हांणी सीसीटीव्ही फुटेज तपासले उपरांत चोरी उक्ताडार आयली. तांणी बेगोबेग दोन कर्मचार्यांक धाडून बायलांचो सोद घेतलो, मात त्यो तिगूय मेळूंक ना. उपरांत तांणी पुलिशेंत कागाळ दाखल केली आनी सीसीटीव्ही फुटेजूय पुराव्या सयत दिले. मजगतीं केपें पुलिसांनी हेर दोगां बायलांचो सोद घेवपा खातीर तपासाक गती हाडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
