भांगरभूंय | प्रतिनिधी
नवी दिल्ली, खबरां संस्था ः भारतीय वेंचणूक आयोग (ECI) एक सिंगल पॉयंट ॲप तयार करता. ह्या एकाच ॲपांत वेंचणूक आयोगा कडेन संबंदीत 40 ॲपांची सुविधा एकाच कडेन उपलब्ध आसतली. ईसीआय प्रमाण, हे 40 ॲप 5.5 कोटी परस चड फवटी डावनलोड केल्यात. सिंगल पॉयंट ॲप सुरू जाले उपरांत वापरप्यांक वेगवेगळे ॲप डाउनलोड करचे पडचे नात.
मतदार, वेंचणूक अधिकारी, राजकी पक्ष आनी नागरी समाजा कडेन संबंदीत लोकांक ह्या ॲपाचो फायदो जातलो. ECINET नांवाच्या ह्या ॲपांत मतदार हेल्पलायन अॅप, व्होटर टर्नआउट अॅप, cVIGIL, सुविधा 2.0, ईएसएमएस, सक्षम आनी केवायसी अशें ॲप आसतले.
मतदार कार्ड आधारा कडेन लिंक करपाची तयारी
केंद्र सरकार मतदार आयडी कार्ड आनी आधार लिंक करपाची तयारी करता. हे संबंदी मार्चांत वेंचणूक आयोग आनी भारतीय युनिक आयडेंटिफिकेशन ॲथॉरिटी (UIDAI) हांचे मदीं बसका जाल्ली. हातूंत मतदार कार्ड आधारा कडेन लिंक करपा संबंदी एकमत जाले. आतां हे विशीं तज्ञांचें मत घेतले उपरांत सरकार फुडली कारवाय करतलें. मतदार कार्डांक आधारा कडेन लिंक करपाचे काम सद्याच्या कायद्या प्रमाण आनी सर्वोच्च न्यायालयाच्या सुचोवण्यां प्रमाण करतले अशें आयोगान म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
