भांगरभूंय | प्रतिनिधी
धोंडानीय विशेश सहकार्य करचें: मुख्यमंत्र्यान पडोश्यांच्या मयेंकार कुटुंबाचें केलें सांतवन
दिवचल: शिरगांवां जी घडणूक घडली ती सामकी दुर्दैवी आशिल्ली. जात्रेक प्रशासन तशेंच भावीक, भक्त धोंड ह्या सगल्यांनी योग्य तरेन लक्ष दिवप गरजेचें. ह्यान फुडें ते विशीं सरकार विशेश काळजी घेवपाचे नदरेन म्हत्वाचीं पावलां उबारतले अशें मुख्यमंत्री डॉ. प्रमोद सावंत हांणी सांगलें.
शिरगांवां जाल्ले खेटाखेटींत मरण आयिल्ले सुर्या मयेंकार हांच्या कुटुंबीयांक मुख्यमंत्री येवन मेळ्ळी. ह्या वेळार तांणी सगले तरेची मजत करतलों अशी गवाय दिली.
सरकारान जी धा लाखांची मजत जाहीर केल्या, ती बारा दिसां उपरांत तांकां दितले अशेंय मुख्यमंत्र्यान म्हणलें.
जात्रेक धोंड आनी भाविकांनी योग्य तरेन जतनाय घेवप गरजेचें. हे नदरेन प्रशासनूय आतां चड सक्षमपणान लक्ष दिवन, तशेंच म्हत्वाचे निर्णय घेतना, असल्यो घडणुको केन्नाच घडच्यो न्हय हाची जतनाय घेतलें, अशें तांणी सांगलें.
नयेकर परिवाराची
मेळ्ळे उपरांत मुख्यमंत्री भावूक जाले
घडणूक घडिल्ल्याक मुख्यमंत्री बरेच भावूक जाले. जी घडणूक घडली ते विशीं तांकांय बरोच धक्को बसलो. बरोच धक्को बसलो. तीन दीस सगळ्यो सरकारी कार्यावळी रद्द केल्यात.
जांकां मरण आयलें तांचे आत्महत्त्येक सद्गती मेळूं अशें मागणें तांणी केलें.
ही घडणूक कित्याक लागून घडली हाचीं कारणां सोदपा खातीर मुख्यमंत्र्यांनी एक विशेश समिती नियुक्त केली. ती समिती तपास करता. हे समितीचो अहवाल येवपाक कांय दीस लागतले, अशें मुख्यमंत्र्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
