भांगरभूंय | प्रतिनिधी
दिवचल : शिरगांवां देवी लयराईच्या कौलांक शेनवारा सांजे वेळार सुरवात जाली. घराघरांनी भेट दिवन देवी कौल दिता. हीं कौलां चार दीस चलतात. कौल घेवपाक भाविकांची खूब गर्दी आसता. कौलां निमतान शिरगांवां पुलीस आनी हेर माध्यमां वरवीं नियंत्रण दवरलां. लोकांनी आदार करपाचो उलो मारला.
कौल घेवपाक हजारांनी भावीत शिरगांवां येतात. घराघरांनी देवीचो कळस वता. थंय त्या घरच्या वांगड्यां सयत भावीक देवीचो कौल घेतात. मंगळार मेरेन शिरगांवां परतून भाविकांची गर्दी जातली. प्रशासनान सगळी जतनाय घेतल्या. तरी लेगीत भाविकांनीय जतनाय घेवची आनी शिस्त पाळची, असो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
