भांगरभूंय | प्रतिनिधी
पणजी : बिट्सच्या पिलानी शिक्षण संस्थेच्या हॉस्टेलांत आत्महत्या केल्ल्या कृष्णा कासेरा (२०, लखनौ) हाची कूड स्वीकारपाक कुटुंबान न्हयकार दिल्ल्यान हे घडणुकेक वेगळें मोडण मेळ्ळां. सांकवाळच्या बिट्स पिलानीच्या कॅम्पसांत फाटल्या ६ म्हयन्यांक जाल्ली विद्यार्थ्यांची ही तिसरी आत्महत्या. हाका लागून कॅम्पसांतूय भिरांत निर्माण जाल्या.
मजगतीं, वेर्णा पुलिसांनी ही घडणूक असैमीक मरण म्हणून नोंद केल्ल्यान पोस्टमार्टमा खातीर कूड मडगांवच्या जिल्लो हॉस्पिटलांत धाडटले. पोस्टमार्टमाच्या अहवाला उपरांतूच मरणाचें नेमकें कारण स्पश्ट जातलें. पोस्टमार्टम करपाची मागणी करपी पत्र वेर्णा पुलिसांनी दक्षीण गोंय जिल्लो हॉस्पिटलाच्या फॉरेन्सीक विभागाक धाडलां.
विद्यार्थी आत्महत्या कित्याक करतात? तशेंच विद्यार्थ्यांवेलो ताण उणो करपाक, आत्महत्या आडावपाक महाविद्यालयाच्या प्रशासनान कितें पावलां उबारल्यांत, हाचें स्पष्टीकरण कृष्णाच्या पालकांनी मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
