भांगरभूंय | प्रतिनिधी
गोंयांक समृद्धी मेळचे खातीर देवी कडेन मागलें!
दिवचल: भारताक वैभवाच्या शिखराचेर पावोवपी प्रधानमंत्री नरेंद्र मोदी हांचें विकसीत भारताचें सपन पुराय जातनाच भारत देशावेलें संकश्ट पयस जावचें, तशेंच समेस्त गोंयकारांक बरी भलायकी, आयुश्य आनी समृद्धी फावो जावची. गोंय आदर्श जावचें, दरेकल्याच्या घरांत सुख समृद्धीचो दिवो पेटतूच रावचो अशे तरेचें मागणें मुख्यमंत्री डॉ. प्रमोद सावंत हांणी श्रीदेवी लयराईच्या पांयां कडेन केलें.
शिरगांवच्या होमखंड उत्सवाक आयज भक्तीभावान सुरवात जाली. सकाळीं मुख्यमंत्री सावंत, सुलक्षणा सावंत हांणी देवीचें दर्शन घेतलें.
ह्या वेळार तांणी सांगलें, गोंय आदर्श राज्याचे दिकेन वाटचाल केल्ल्यान सरकार आनी जनता हांचे मदीं सामंजस्य निर्माण जातना जायत्यो येवजण्यो चालीक लागल्यात. विकसीत भारताचें सपन साकार करपा खातीर गोंयची जनता योगदान दिल्ल्यान समेस्त गोंयकारांक समृद्धी मेळची अशें मागणें मुख्यमंत्र्यांनी ह्या वेळार केलें.
फाटल्या आठ दिसां पयलीं देशांत घडल्यात. ताचे पसून देशाची राखण जावची आनी देशांतलीं सगळीं संकश्टां पयस जावचीं अशी प्रार्थनाय आपणें केल्ल्याचें सांगून भाविकांक परबीं भेटयलीं. येवपी पांच दीस हो उत्सव सुरू आसतलो. देवीच्या कौल उत्सवांत हजर रावपी हजारांनी भाविकांक बरी भलायकी मेळची अशी प्रार्थना मुख्यमंत्र्यांनी ह्या वेळार केल्ल्याचें सांगलें.
मयेंचे आमदार प्रेमेंद्र शेट, प्रिया शेट, खासदार सदानंद तानावडे, मंत्री निळकंठ हळर्णकार हांचे सयत जायत्या राजकी फुडार्यांनीय सकाळीं देवीचें दर्शन घेतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
