भांगरभूंय | प्रतिनिधी
नवी दिल्ली, खबरां संस्था ः पतंजली गटान भारतीय बँकिंग क्षेत्रांत रणनितीन धोरणात्मक प्रवेश जाहीर करुन ‘भारुवा सोल्यूशन्स प्रायव्हेट लिमिटेड (BSPL)’ वरवीं आपल्या तंत्रज्ञानान एआय आदारीत, बहुभाषी 360° बँकिंग ईआरपी प्रणाली सुरू केला. हो प्लॅटफॉर्म मुखेलपणान प्रादेशिक, सहकारी आनी ल्हान अर्थीक संस्थां खातीर तयार केल्लो आसा. जाका लागून तांकां डिजिटल बँकिंगाचे दिकेन पावल उखलपाक संद मेळटा. बँकींग क्षेत्रांतल्या चार मुखेल समस्यांचेर उपाय काडपा खातीर भारुवाचे ‘बी-बँकिंग’ प्लॅटफॉर्म तयार केलां.
१. भाशीक समावेशकता
भारतांतल्या बहुभाशीक फांटभूंयेर बँकींग सेवा मुखेलपणान इंग्लीशी मेरेन मर्यादीत आसा. ‘बी-बँकिंग’ द्विभाशीक सेवा दिवन थळाव्या भाशांनी वेव्हार करपाक सोंपे जाता. देखीक गुजरातांत गुजराती, पंजाबांत पंजाबी भाशेंत सहज सेवा उपलब्ध जाता.
२. वाडयल्ली सुरक्षा
ह्या प्लॅटफॉर्मांत अत्याधुनीक एआय आनी सायबर सुरक्षा प्रणालींचो आस्पाव आसा. डेटा आनी वेव्हाराचे सुरक्षेक प्राधान्य दिलां.
३. कार्यक्षमताय
एपीआय बँकिंग, एमआयएस, एचआरएमएस, ईआरपी मॉड्यूल, एएमएल साधनां, आनी वर्कफ्लो ऑटोमेशन सयत जायत्यो बँकींग प्रक्रिया ‘बी-बँकिंग’ त आस्पावतात.
४. नियामक अनुपालन
1963 वर्साच्या अधिकृत भास कायद्या प्रमाण आनी सर्वोच्च न्यायालयाच्या निर्देशा प्रमाण हो उपाय द्विभाशीक सॉफ्टवॅराच्या सरकारी आदेशांक पुरायपणान पाळो दिता.
भारताक सशक्त करपा खातीर तंत्रगिन्यानाचो उपेग – आचार्य बालकृष्ण
पंतजली गटाचे संस्थापक आनी वेवस्थापकीय संचालक आचार्य बालकृष्ण हांणी म्हणलें, भारत भाशीक नदरेन विविधताय आशिल्लो देश आसून लेगीत आमची बँकींग पद्दत मुखेलपणान इंग्लीशीचेर आदारीत आसा. हाका लागून लाखांनी लोक हे वेवस्थे पसून वंचित उरतात. ‘भारूवा’ हो तंत्रीक नदरेन प्रगत, भाशीक नदरेन समावेशक आनी कामगिरीन भरिल्लो उपाय आसा जो देशाच्या खऱ्या डिजिटल समावेशांत मजत करतलो. तशेंच ‘भारूवा’ न नेचरल सपोर्ट कन्सल्टन्सी सर्विसेस प्रा. लिमिटेड कंपनी वांगडा कबलात केल्या. ही कंपनी 1999 सावन देशभरांतल्या 5,000 परस चड बँक शाखांक ऑटोमेशन सोल्युशन्स दिता.
भारुवा सोल्यूशन्स प्रायव्हेट लिमिटेडाचो (बीएसपीएल) हेत कितें?
बीएसपीएल आनी नेचरल सपोर्ट हांच्या संयुक्त उपक्रमांचो हेत म्हळ्यार एकत्रीत कोर बँकिंग प्रणाली (Core Banking System (CBS) सयत सर्वसमावेशक ‘बँक इन अ बॉक्स’ उपाय दिवपाचो हेत आसा. हातूंत इंटरनॅट आनी मोबायल बँकिंग, ई-केवायसी, पीएफएमएस इंटिग्रेशन, एएमएल, एमआयएस, डीएसएस, एचआरएमएस, ईआरपी सारकिल्या सगळ्या मॉड्यूलांचो आस्पाव जाता. ही पद्दत खासा राज्य सहकारी बँको, जिल्लो केंद्रीय बँको, शारी सहकारी बँको, एनबीएफसी आनी हेर ल्हान अर्थीक संस्थां खातीर तयार केल्या. जीं बहुभाशीक सेवांची गरज
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
