भांगरभूंय | प्रतिनिधी
केअर एज रेटिंग्ज – व्हडल्या राज्यां मदीं महाराष्ट्र पयलें
नवी दिल्ली, खबरां संस्था: राज्याची अर्थवेवस्था, सरकारची अर्थीक स्थिती, पायाभूत सुविधा, अर्थीक वाड, समाजीक, प्रशासन आनी पर्यावरण अशा ७ निकशांचेर सगल्यांत चड गुण (५६.५%) मेळोवन महाराष्ट्र पयल्या क्रमांकाचेर आसा. ही मोलावणी आनी क्रमांक केअरएज हे रेटींग एजन्सीन दिल्यात.
महाराष्ट्रा उपरांत गुजरात दुसर्या आनी कर्नाटक तिसर्या नंबराचेर आसात. जोड नंबराच्या वयल्या पांवड्यार पश्चीम आनी दक्षीणे कडलीं राज्यां आसा. दुसरे कडेन, ईशान्ये कडल्या, दोंगराळ आनी ल्हान राज्यांचे वळेरेंत गोंय ६२% गुणां सयत मुखार आसा.
मध्यप्रदेश, झारखंड आनी बिहार सकयल्यान वयर मेरेन
सर्वेक्षणांत मध्य प्रदेशाक १५ वी, झारखंडाक १६ वी आनी बिहाराक १७ वी सुवात मेळ्ळ्या. १७ व्हड राज्यां मदीं हीं तीन राज्यां सगल्यांत तळाक आशिल्लीं. छत्तीसगडाक ११ वी आनी राजस्थानाक १२ वी सुवात मेळ्ळी.
केअरएजच्या राज्य क्रमवारीची ही फकत दुसरी आवृत्ती. हातूंत, राज्यांचे मुल्यांकन ७ स्केलीचेर ५० निर्देशकांच्या आदारार करता- अर्थीक, राजकोशीय, मुळावी सुविधा, अर्थीक वाड, समाजीक उदरगत, प्रशासन आनी पर्यावरण.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
