भांगरभूंय | प्रतिनिधी
म्हापशें: अन्न आनी वखदां प्रशासनाच्या अधिकाऱ्यांनी शिवोले, करासवाडो, कोलवाळे आनी म्हापश्यां 11 खानावळींची तपासणी केली. नितळसाण नाशिल्ल्याच्या कारणा वेल्यान पांच खानावळी बंद करपाचे निदेश दिले. जाल्यार हेरांक सुदारणा करपाच्यो सुचोवण्यो दिल्यो.
एफडीएच्यो संचालिका श्वेता देसाय हांच्या मार्गदर्शना खाला अधिकाऱ्यांनी रॅस्टोरंण्ट आनी हेर खानावळींचेर दक्षता तशेंच पडटाळणी मोहीम सुरू दवरल्या. ते प्रमाण बुधवारा रातीं अधिकारी रिचर्ड नोरोन्हा, अमीत मांद्रेंकार, लेनीन चडिसा आनी नौसीन मुल्ला ह्या पंगडान बार्देसांत अचकीत अंमलबजावणी मोहीम राबयली.
जातूंत शिवोली, कोलवाळ, म्हापशें आनी करसावड्या वेल्या 11 खानावळींची पळोवणी केली. 11 मदल्या पांच खानावळींक वेवसाय बंद करपाचाे आदेश दिलो. कारण ह्या खानावळीचो वेवसाय बुरशे सुवातेंत चलतालो.
अधिकारी रिचर्ड नोरोन्हा हांणी सांगलें, आमी बार्देस म्हालांतल्या 11 खानावळींची तपासणी केली. तातूंत नितळसाण नाशिल्ले परिस्थितींत चलपी पांच खानावळी बंद करपाचो आदेश दिला. जाल्यार उरिल्ल्यांक सुदारणा करपाची सुचोवण्यो जारी केल्या.
14 दिसां भितर निदेशांक पाळो दिवपाचो आदेशूय दिला. नाजाल्यार संबंदितांचो एफएसएसएआय परवानो निलंबीत करतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
