भांगरभूंय | प्रतिनिधी
विशाखापट्टणम, खबरां संस्था: आंध्र प्रदेशांतल्या विशाखापट्टणम हांगा मंगळारा रातीं श्री वराह लक्ष्मी नृसिंह स्वामी देवळाचे वण्टीचो २० फूट लांब भाग कोसळ्ळो. हे दुर्घटनेंत ८ जाणांक मरण आयलां आनी ४ जाण जखमी जाल्यात.
देवळांत चंदनोत्सव चालू आशिल्लो. भगवान नृसिंहाचें दर्शन घेवपा खातीर हजारांनी भावीक हांगा येतात. अधिकार्यांच्या म्हणण्या प्रमाण, मध्यानरातीं २:३० ते ३ वरां मजगतीं घोग्यांनी पडिल्ल्या पावसाक लागून ही दुर्घटना जाली. एनडीआरएफ आनी एसडीआरएफान मजत कार्य केलें.
आपत्ती वेवस्थापन मंत्री वंगालपुडी अनिता हांणीय घडणुके सुवातेर पावन परिस्थितीचो नियाळ केलो. जखमींचेर उपचार, मजत आनी बचाव कार्यांत कसलोच आळस करचो न्हय, अशे निर्देश तांणी अधिकार्यांक दिले. घडणुकेचे चवकशी करपाचे आदेश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
