भांगरभूंय | प्रतिनिधी
नवी दिल्ली, खबरां संस्था: नोटबंदी आनी उपरांत २००० रुपयांच्या नोटीं विशींच्या निर्णया उपरांत आतां आरबीआयन १०० आनी २०० रुपयांच्या नोटां विशींय एक म्हत्वाचो निर्णय घेतला. भारतीय रिझर्व्ह बँकेन देशांतल्या चडशा बँकां आनी व्हायट लेबल एटीएम ऑपरेटरांक निर्देश दिवन म्हत्वाच्यो सुचवण्यो केल्यात.
हालींच हे केंद्रीय बँकेन देशांतल्या सगल्या बँकांक सुचयत सामान्य जनतेच्या गरजां प्रमाण ह्या नोटांची उपलब्धताय वाडोवपाची गरज आशिल्ल्याची गजाल अधोरेखीत केली. जाका लागून एटीएमांत हे किमतीच्यो नोटीय काडपाक मेळटल्यो हाचे कडेन बँकांनी लक्ष दिवप अपेक्षीत आशिल्ल्याचें आरबीआयन सुचीत केलें. हाका लागून आरबीआयन एक परिपत्रक जारी करीत तातूंत बँको आनी व्हायट लेबल एटीएम ऑपरेटरांक हे निर्देश टप्प्याटप्प्यांनी लागू करप बंधनकारक आशिल्ल्याचें स्पश्ट केलें.
व्हायट लेबल एटीएम हो कितें प्रकार?
व्हाईट लेबल एटीएम सरकारी आनी खासगी बँकांच्या एटीमावरीं काम करतात. हाचो वापर बँकेच्या जाग्यार खंयच्याय खासगी वा बिगर अर्थीक संस्थांकडल्यान (NBFC) करतात. हाचे मजतीन डेबीट आनी Credit Cardचे मजतीन कॅश विथड्रॉअल, बॅलेन्स चेक वा तत्सम सुविधांचो उपभोग घेवपाक मेळटा. ज्यो सुविधायो हेर एटीएमांनीय मेळटात.
आरबीआयन स्पश्टूच म्हणलां…
आरबीआयच्या परिपत्रकाचो आढावो घेतल्यार तातूंत उण्यांत उण्या मोलाच्यो नोटी सामान्यां मेरेन सहज पणान पावोवपा खातीर सामको म्हत्वाचो निर्णय घेतला. ३० सप्टेंबर २०२५ मेरेन सगल्या एटीएम मशिनां मदल्या ७५ टक्के एटीएमांत उण्यांत उणें एक कॅसेट पसून १०० आनी २०० रुपयांच्यो नोटी वचप अपेक्षीत आसतलें. उपरांत फुडें ३१ मार्च २०२६ मेरेन ९० टक्के बँक एटीएमा खातीर हो नेम लागू जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
