भांगरभूंय | प्रतिनिधी
हुगळी, खबरां संस्था: पहलगामांत आतंकवादी हल्ल्याच्या दुसर्या दिसा, २३ एप्रिलाक पाकिस्तानी रेंजर्सनी दोन फोटो प्रसिद्ध केले. तांणी बीएसएफ जवान पूर्ण कुमार साव हांका धरिल्ल्याचो दावो केलो. पयल्या फोटवांत सैनीक एका झाडा पोंदा उबो आसा आनी ताची रायफल, उदकाची बाटली आनी बॅग जमनीर पडलां. दुसर्या फोटोंत सैनिकांच्या दोळ्यांचेर पट्टी बांदल्या.
पूर्णव पश्चिम बंगालांतल्या हुगळी जिल्ह्यांत रावता. गांवाचें नांव रिसदा. पूर्णव हांचे सुटके खातीर बीएसएफान तीन फावटी बावटो बसको आपयल्यात, मात पाकिस्तानान प्रतिसाद दिवंक ना. एके मीडिया हावजा कडेन उलयतना पूर्णव हांची बायल रजनी हांणी म्हणलें, हांव कायमची वाट पळोवपाक शकना. जायतो वेळ गेलो, मात हांव कांयच उलोवंक ना. जर म्हाका मजत मेळूंक ना जाल्यार हांव दिल्लीक वचून प्रधानमंत्री कार्यालया कडेन जाप मागतली.
‘टिवीचेर बातमी पळयले उपरांत कळ्ळें पूर्णव पाकिस्तानाच्या ताब्यांत आसा’
पूर्णव हांच्या कुटुंबांत आवय देवंती देवी, बापूय भोलानाथ, बायल रजनी आनी भाव श्याम सुंदर हांचो आसपाव आसा. पूर्णव हांकां बीएसएफांत वचून १७ वर्सां जालीं. मात ताचें कुटूंब पयलेच फावट भियेलां. पहलगाम हल्ल्या उपरांत निर्माण जाल्लें वातावरण आनी भारत आनी पाकिस्तानांतलो वाडपी ताण हेंच ताचें कारण आसा, अशें तिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
