भांगरभूंय | प्रतिनिधी
पणजी : कुटुंबीक कारणाक लागून मानसीक ताणांत आशिल्ल्या ४० वर्सां पिरायेच्या मनशाक आत्महत्त्या करपाचो यत्न करतना पोरणें गोंय पुलिसांनी हस्तक्षेप करून वाटयलो.
हे विशीं चड म्हायती प्रमाण, २७ एप्रील २०२५ दिसा सकाळीं सुमार १०.२४ वरांचेर पुलीस नियंत्रण कक्ष पणजेच्यान पोरणें गोंय पुलिसांक सांताक्रूजच्या देवळाच्या वाठारांत रावपी एक मनीस गोळ घेवन आत्महत्त्या करपाचे तयारेंत आशिल्ल्याची म्हायती मेळ्ळी. ह्या आदाराचेर पोरणें गोंय पुलिसांनी १२ मिनटां भितर घडणुके सुवातेर वचून त्या मनशाक सुरक्षितपणान वाटयलो.
मुळावे चवकशेंत, बायल आनी धुवे पसून वेगळें जाल्ल्यान संबंदीत मनीस मानसीक ताणा खाला आशिल्ल्याचें स्पश्ट जालें. पुलिसांनी ताका धीर दिलो आन उपरांत न्यायालयाच्या आदेशा प्रमाण बांबोळे मानसोपचार आनी मानसीक भलायकी हॉस्पिटलांत (आयपीएचबी) उपचारा खातीर दाखल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
