भांगरभूंय | प्रतिनिधी
पहलगाम, खबरां संस्था: पाकिस्तानान सेगीत तिसरे दिसा शेनवार आनी आयतारा रातीं नियंत्रण रेशे भायर फारपेट केलो. तो तूतमारी गली आनी रामपूर सेक्टरांत जालो. भारतीय सैन्यानूय हलक्या शस्त्रांनी फारपेट करून प्रत्युत्तर दिलें. कोणाक कांय जावंक ना.
सुरक्षा दळांनी काश्मीराक सुरक्षा वेवस्था खर केल्या. त्या आतंकवाद्यांचो सोद घेवपा खातीर सोद मोहीम चालू आसा. शेनवारा रातीं, लश्करान बांदीपोराच्या टीआरएफचो सक्रीय आतंकवादी अदनान शफी डार आनी त्रालांतल्या जैश-ए-मोहम्मद (जेईएम) चो सक्रीय आतंकवादी अमीर नजीर वाणी हांची घरां मोडलीं. अशे तरेन फाटल्या ३ दिसांनी १० आतंकवाद्यांची घरां मोडल्यांत.
शेनवारा केंद्र सरकारान पहलगाम हल्ल्याचो तपास एनआयए (राष्ट्रीय तपास संस्था) कडेन दिलो. मजगतीं, इराणचे अध्यक्ष मसूद पेझेश्कियान हांणी प्रधानमंत्री नरेंद्र मोदीं कडेन फोना वेल्यान संवाद आदलो आनी हल्ल्याचो निशेध केल्लो. अध्यक्ष मसूद हांणी, ’आतंकवाद्यां आड इराण भारता वांगडा आसा. एका दिसा पयलीं इराणान भारत-पाकिस्तान ताण सोडोवपाक मध्यस्थी करपाची ऑफर दिल्ली. मजगतीं, पाकिस्तानाचे प्रधानमंत्री शाहबाज शरीफ हांणी पहलगाम हल्ल्याच्या दरेक निश्पक्ष चवकशेंत वांटेकार जातले अशें सांगलें. तांणी म्हणलें- पाकिस्तानाची बदनामी जाता. पाकिस्तानाचेर दरेक फावटीं आरोप करतात आनी हें सोंसपा सारकें ना.
२२ एप्रिलाक पहलगामच्या बैसरन खोर्यांत आतंकवाद्यांनी २६ जाणांक मारिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
