आमचो पगार दिवचो
भांगरभूंय | प्रतिनिधी
म्हजें मत
शिक्षण खात्यांत कंत्राटी पद्दतीन आमची ‘कला शिक्षक’ म्हणून ऑगस्ट 2024 पसून नेमणूक केल्या. कांय म्हयन्यानी कंत्राट सोंपतलें. दोन म्हयन्यांनी, तीन म्हयन्यांनी पगार मेळटलो अशीं आश्वासनां खात्यांतल्या संबंदीत अधिकाऱ्यां कडल्यान मेळटालीं. पूण आतां परत विचारल्यार ‘कंत्राट नूतनीकरण करचे नात’, अशें कांय अधिकारी सांगपाक लागल्यात. नूतनीकरण सोडाच, पूण केल्ल्या कामाचे पयशे आमकां बेगीन दियात इतलीच सरळ आणि सोपी मागणी आसा.
नवें शिक्षणीक धोरण, जांच्या खांद्यार येसस्वी जाव शकता तांचेच खांदे आनी जिबो अधिकारी कापपाक लागल्यात. आमी नोकरी स्विकारून बंगले वा चारचाकी घेवन मजा करतले, अश्यांतलो भाग ना. फकत पोट भरचें आनी संवसार सुरळीत चलचो इतलीच आस्त आसा. कमरेक दुदी बांदून आमकां उदकांत पेंवपाक सोडल्यात. आतां संबंदीत अधिकारी स्वताच ते दुदी फोडूंक पळयतात.
कामाचेर वचपा खातीर दुसऱ्या कडल्यान उदारीचेर पयशे मागचे परस काम करुंक नाशिल्लें बरें, अशें दिसपाक लागलां. संबंदीत अधिकाऱ्यांच्या चुकांचो मनस्ताप आमी कित्याक भोगचो? आमी काम केलां ताचो पगार दिवचो, इतलीच सरकारा कडेन विनवणी.
98228 78204
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
