भांगरभूंय | प्रतिनिधी
नवी दिल्ली, खबरां संस्था ः पतंजली भारताच्या शेतकी मळार व्हड बदल घडोवन हाडटा. ही कंपनी सेंद्रीय शेती अशा पद्दतींक चालना दिता. जी मातयेची भलायकी सुदारूंक शकता आनी शेतकारांक सक्षम करुंक शकता. पर्यावरणपूरक पद्दतींचो वापर करून पतंजली पिकांचो दर्जो सुदारताच पूण शेतकार अर्थीक नदरेन घटमूट आसात हाचीय खात्री करता.
पतंजलीचें ध्येय म्हळ्यार सेंद्रीय शेती. हाचो अर्थ केमिकलमुक्त पद्दतींचो उपेग करून शेती करप. हाका लागून जमीन सुपिक जाता. पतंजली किसान समृद्धी कार्यावळी सारकिल्ल्या प्रकल्पां वरवीं शेतकारांक सेंद्रीय शेतीचें योग्य प्रशिक्षण दितात. ताका लागून तांकां आपली शेतकी पद्दत सुदारूं येता आनी पिकाचें उत्पादन वाडोवंक मेळटा. जेन्ना मातयेचो दर्जो सुदारतलो तेन्नाच पिकां बरी जातलीं आनी शेती बरोच तेंप तिगून उरतली.
पतंजलीची शेतवडीची नवी पद्दत भारतांतल्या शाश्वत शेती खातीर व्हड बदल घडोवन हाडटा. उदक वाचवपाक आनी माती बरी सांबाळपाक मजत करपी तंत्रगिन्यान तयार करपा खातीर कंपनी संशोधन आनी नव्या कल्पनांचेर लक्ष केंद्रीत करता. हो विचार पिकाचें उत्पादन वाडोवपाक मजत करताच पूण शाश्वत शेती शेतकारांक एक बरो आनी फायदेशीर उत्पन्नाचो स्त्रोत म्हूण तयार करता.
रसायनीक साऱ्यां बदला सैमीक साधनांचो वापर
पतंजलीच्या सेंद्रीय शेतींत वापरिल्ल्या उत्पादनांचो मातयेची भलायकी आनी पिकाचो दर्जो वाडोवपाक म्हत्वाचो वांटो आसा. शेण आनी कंपोस्ट सेंद्रिय पदार्थ वाडोवन जमनीची सुपीकता सुदारता, जाल्यार गोमूत्र आनी कडुलिंबाचे द्रावण सैमीक कीटकनाशक म्हूण काम करता आनी जमनींतल्या फायदेशीर बॅक्टेरियांक चालना दितात.
पतंजली ऑर्गेनिकांत कितें खाशेलें आसा?
पतंजली ऑर्गेनिक प्रोम हें एक खाशेलें उत्पादन, तातूंत कार्बन आनी नायट्रोजन 12:1 प्रमाणांत आसता. ताका लागून जमनीची रचणूक सुदारताच तेच बरोबर वनस्पतींक गरजेचे पोशक तत्व मेळटात. ते भायर पतंजली सेंद्रीय सारें वखदी वनस्पत, फुलां, भाजीपालो, गायच्या शेणाच्या अवशेशांतल्यान तयार करतात. तातूंत ट्रायकोडर्मा, स्यूडोमोनास आनी एस्परगिलस सारकिल्ले फायदेशीर बॅक्टेरिया आसतात. हें सारें मातयेची भौतिक आनी रसायनीक संरचना सुदारपाक मजत करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
