भांगरभूंय | प्रतिनिधी
भोपाळ, खबरां संस्था: मध्य प्रदेशाच्या नव्या सोरो धोरणाक लागून गुजरात शिमे लागसारच्या आदिवासी भागांक तस्करीच्या अघोशीत कॉरिडॉरांत रूपांतरीत केलां. झाबुआ आनी अलीराजपूर जिल्ह्यांत सोर्याच्या दुकानांचें वांटप ७ गटांत जालां. हीं दुकानां शिमे पसून फकत ५०० मी. ते ५ किमी कक्षेंत आसात. गुजरातांत सोरो बंदी आसा. मध्य प्रदेशाच्या धोरणाक लागून शिमेचेर सोर्याची तस्करी वाडल्या.
इतलेंच न्हय, पावण्यांनी ह्या दुकानांची बोली जायत्या सुवातांचेर १२ ते १६ कोटी रु. मेरेन पावली. विशेश म्हणल्यार, ह्या गांवाची लोकसंख्या १५०० ते ५००० मजगतीं आसा. हातूंतय चडशे बिपीएल आसात. सगल्यांत व्हड उदाहरण झाबुआच्या मंडली गांवचे आसा. हांगा २५०० चे लोकसंख्ये फाटल्यान एक विदेशी सोर्याच्या दुकानाची १३ कोटींत पावणी जाली. हांगची निम्मी लोकसंख्या सोरो पिवपी, अशें मानलें तरी दरेका मनशाक एका वर्सांत एक लाखांचो सोरो पिवचो पडटलो. नाजाल्यार ठेकेदाराची गुंतवणूक उदकात वतली. म्हळ्यार हांगा थळावे विक्री परस गुजरातांत संभाव्य तस्करीक करप फायद्याचें थारतलें. साधारणपणान एका पंगडांत पयसुल्ल्या आनी लोकसंख्येचो वाठार मेळून वाटप दवरतात. मात झाबुआ तशेंच अलीराजपूरांत पुराय कॉरिडोर दिला.
देशी सोर्याचें दुकान विदेशी सोर्याचें दुकान
१. मेघनगर समूह-मंडलीत सगल्यांत म्हारग दुकान ठेकेदार : मालवा रिल्टी वट्ट मोल : रु. ९२ कोटी दुकानां: ५ विदेशी, ५ देशी. मंडलीत विदेशी सोर्याचें दुकान १३ कोटींत पावणी. लोकसंख्या २५००, हातूंत १२५० बीपीएल.
२. झाबुआ समूह- पिटोलांत १६ कोटींचे दुकान ठेकेदार: गुरुकृपा बायोफ्युएल एलएलपी, वट्ट मोल: रु.११९ कोटी दुकानां: ६ विदेशी, ४ देशी, पिटोल गुजरात शिमे पसून २.५ किमी पयस. लोकसंख्या ५०००, मात, २५०० बीपीएल. बोली १६ कोटी लागली, म्हणजे दरडोई वर्सुकी वापर ३२,००० बसता.
३. थांदला समूह- बट्ठात रु. ८ कोटींचें दुकान ठेकेदार: गुरुकृपा बायोफ्यूल एलएलपी वट्ट मोल: रु. ७६ कोटी दुकानां: ७ विदेशी, ६ देशी. बट्टाची लोकसंख्या १५००. सुमार ७५० बीपीएल. सोर्याचीं दुकानां ८ कोटींत पावणी जाली. हे गांव गुजरात सावन ५ किमी पयस आसात. दरडोई वापर १ लाख जाता.
४. उदईगड समूह- सेजवाडात एक दुकान रु. ८ कोटी रुपयांचें मोल: रु. ४१.६३ कोटी. दुकाना:४ विदेशी, २ देशी. सेजवाडो गुजरात शिमे पसून फकत ८०० मिटरा वयर. लोकसंख्या २५०० आसा. हातूंत १५०० बीपीएल कुटुंबां आसात. एक दुकान ८ कोटींत पावणी.
५. जोबट समूह- काठिवाडांत ६.५९ कोटींचें दुकान वट्ट मोल: रु. २६.५९ दुकानां: ३ विदेशी, २ देशी काठिवाडो गुजरात शिमेपसून ५ किमी पयस. लोकसंख्या ३५०० आसा, हांतले २००० बीपीएल. लिलाव बोली ६.५९ कोटी. दरडोई वर्सुकी वापर १८,८०० अदमास आसा.
६. नानपूर समूह- चाकतलांत ६.०७ कोटींचें दुकान मोल: रु. २५.१० कोटी दुकानां: ४ विदेशी, १ देशी चाकतला गांव गुजरात शिमेपसून फकत ४०० मिटराचेर. लोकसंख्या सुमार ५००० आसा, तांतलीं ३००० बीपीएल आसात. लिलाव बोली ६.०७ कोटी. हांगा थळावे मागणे परस चड पुरवण आसा.
७. चंदपूर समूह- रु. १२.६० कोटींचें दुकान, शिमे पसून २.५ किमी वट्ट मोल: रु २४.१९ कोटी दुकानां: २ विदेशी, १ देशी चंदपूर गांवचें दुकान रु. १२.६० कोटींत पावणी. हें गुजरात शिमे पसून २.५ किमी अंतराचेर आसा. लोकसंख्या ५००० आसा, हातूंत सुमार ३००० लोकसंख्या बीपीएल. दरडोई वर्सुकी वापर २५,००० च्या लागीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
