भांगरभूंय | प्रतिनिधी
वॉशिंग्टन, खबरां संस्था ः फाटल्या कांय वर्सांत लोकांची भोंवडी वाडल्या. अमेरिकेक 2023 वर्सा भोंवपाक वचपाचो काळ 11 दीस आशिल्लो. 2024 वर्सा तो 15 दिसां मेरेन वाडलो. दुसरे वटेन जायत्या लोकांचे हे दीस वाडून 18 जाल्यात. म्हणल्यार ते दर वर्सा उण्यांत उणें 18 दीस भोंवपाक सोदतात.
वन पोलान केल्ल्या सर्वेक्षणां प्रमाण पर्यटनाक वचपी 80% पर्यटक पर्यटन सुवातींनी वचचें परस हॉटेल-रिसॉर्टांत विसव करपाक पसंत करतात. तांकां स्विमिंग पूल, दर्यादेग वा दोंगराळ स्टेशनाचेर विसव करपाची इत्सा आसता. तांका उपक्रम, ट्रेकिंग, पुर्विल्लीं इमारती पळोवपाची चडशी इत्सा ना. ट्रॅव्हल कंपनी क्लब विंडहॅमची वरिश्ठ उपाध्यक्ष ऍनी रॉबर्ट्स हांणी सांगलें, पर्यटक एक भोंवडी सोंपल्या उपरांत सप्तका भितर आनीक एक भोंवडी करपाची येवजण आंखतात.
ड्रीम हॉटेल: वायफाय आनी बाल्कनी आशिल्ले बेडरूम
सर्वेक्षणाच्या मतान पर्यटकांक हॉटेलांनी व्हड बेडरूम, व्हड बाथरूम जाय. तशेंच हॉटेलाच्या रूमांत बाल्कनी आनी फास्ट वायफाय जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
