भांगरभूंय | प्रतिनिधी
खबरां संस्था
नवी दिल्लीः भारताचो आदलो क्रिकेटीयर अरूण लाल दुसऱ्या फावट लग्न करता. पिरायेच्या 66व्या वर्सा तो परत सव्यार चडटलो. 38 वर्सां पिरायेच्या बुलबुल साहा वांगडा तो संसार करतलो. 2 मेक तांचें कोलकात्यांतल्या हॉटेल पियरलेस इनांत तांचें लग्न जातलें. अरूण लालान पयली बायल रिनाक घटोस्पोट दिला. आता तो ताचे परस 28 वर्सांनी ल्हान आशिल्ल्या बुलबुला कडेन लग्न करतलो.
1955 वर्सा उत्तर प्रदेशांतल्या मुरदाबाद हांगा जल्मल्लो अरूण लाल पश्चीम बंगाला खातीर क्रिकेट खेळटालो. 2016 वर्सा जाल्ल्या कॅन्सराचेर मात करून ताणे परत बंगाल क्रिकेट पंगडाक प्रशिक्षण दिवप सुरू केलें. तो क्रिकेट कॉमेंट्री करतालो.
भारता खातीर अरूण लाल 16 टॅस्ट मॅची आनी 13 वन-डे मॅची खेळ्ळा. टॅस्टींत ताणे 729 जाल्यार वन-डेंत 122 धांवड्यो केल्यात. 1982 वर्सा इंग्लंडा आड ताणे टॅस्ट पदार्पण केल्लें. तो आपली निमणी मॅच वेस्ट इंडिजा आड खेळल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
