भांगरभूंय | प्रतिनिधी
6 फेब्रुवारीचे कामकाज 10 फेब्रुवारीक जातलें
पणजी, प्रतिनिधी : मुख्यमंत्री डॉ. प्रमोद सावंत हे 2024 – 2025 वर्साचो अर्थसंकल्प 8 फेब्रुवारीक विधानसभेत सादर करतले. मुघ्यमंत्री डॉ. प्रमोद सावंत हांणी कामकाज सल्लागार समितीच्या बसके उपरांत ही म्हायती दिली. विधानसभेचे अर्थसंकल्पी अधिवेशन 2 ते 10 फेब्रुवारी मेरेन जातले.
प्रधानमंत्री नरेंद्र मोदी हांचे गोंय भेटीक लागून मंगळारा 6 फेब्रुवारीक अर्थसंकल्प अधिवेशनाचे कामकाज जावचें ना. त्या दिसाचें कामकाज 10 फेब्रुवारीक जातले. कामकाज सल्लागार समितीच्या बसकेत हो निर्णय जाला.
बसके उपरांत आमदार विजय सरदेसाय हांणी ही म्हायती दिली. हाका लागून अर्थसंकल्पी अधिवेशन आता 2 ते 10 फेब्रुवारी मेरेन चलतले. सध्या दिसाक 15 अतारांकित प्रस्नांच्यो जापो सरकार दिता. हे प्रमाण 15 वेल्यान 25 करपाची मागणी विरोधी आमदारांनी केली. तशेच दिसाचे प्रस्न आनी जापो 48 वरां पयली आमदारांक मेळटले, अशी वेवस्था करपाची मागणी आमदारांनी केल्या.
फुडलें अधिवेशन 6 म्हयन्यांनी जातलें. अधिवेशनाचो कालावधी वाडोपाची मागणी विरोधी आमदारांनी केल्या, अशें विरोधी पक्ष फुडारी युरी आलेमाव हांणी सांगलें. तशेच आमदारांक अधिवेशनात फाटल्या 5 वर्सांची म्हायती मेळटा. म्हायती हक्क कायद्या खाला सुद्धा 5 वर्सां परस चड वर्सांची म्हायती मेळटा. अधिवेशनात 5 वर्सां परस चड वर्सांची म्हायती दिवची, अशी मागणी जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
