भांगरभूंय | प्रतिनिधी
भांगरभूंय । प्रतिनिधी
सांगेंः कुडचडेंच्या रवींद्र भवनान आयोजीत केल्ल्या भुरग्यांच्या कला शिबिराचे कार्यावळींत गोंयांत जाल्ल्या 37वे राष्ट्रीय सर्तीत पदकां मेळोवपी सांगे आनी केपें तालुक्यांतल्या खेळगड्यांचो कुडचडें मतदारसंघाचो आमदार आनी रवींद्र भवनाचो अध्यक्ष नीलेश काब्राल हाचे हस्तुकीं भोवमान केलो. ह्या वेळार रवींद्र भवनाचो उपाध्यक्ष राजू नायक, कुडचडें- काकोडेची नगराध्यक्ष जस्मिन ब्रागांझा,शिक्षिका प्रियांक कारापूरकार आनी रवींद्र भवमाचे पदाधिकारी हाजीर आशिल्ले.
राष्ट्रीय खेळां सर्तींत पदका मेळोवपी मनिषा देविदास, बाबू गांवकार, मयुरेश गांवकार (भांगरा पदकां) श्रृनुगू बांदेकार (कास्या पदक), रेश्मा करकट्टी (रुप्या पदक), डॉली फर्नांडीस (रुप्या पदक), ग्रिसिल्डा डिसोझा (रुप्या पदक) सुमंगल भालीकट्टी (रुप्या पदक), वेधांत कालेकार ( रुप्या पदक), सूरज वेळीप (कास्यां पदक), दर्शन वेळीप (कास्यां पदक), योगिता वेळीप, (कास्यां पदत) आनी चंद्रहास वेळीप (कास्यां पदक) हाचो भोवमान केलो.
राष्ट्रीय सांस्कृतीक मळार भांगरा पदका मेळोवपी आर्यन भट, भाविका कुडाळकार, नव्व्या भट, कृतिका पाटील, सावनी नायक, तुषार नायक, साची नासनोडकार, विश्मी गडकार, सन्सील गडकर, एस कुंकळेकार हाचो मानेस्तां हस्तुकीं भोवमान केलो. ह्या वेळार भाविका कुडाळकार, आर्यन भट, कृतिका पाटलीन आनी सांगवी सावंत देसाय हाची सास्कृतीक कार्यावळ जाली. उपरांत मिराबाग हांगच्या श्रीकृष्ण क्लबा वतीन ” सोयरीगतीची धमाल” ह्या कोमीक कोंकणी नाटकाचो प्रयोग जालो. कार्यावळीचें सूत्रसंचालन साहित्यीक वसंत भगवंत सावंत हाणे केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
