भांगरभूंय | प्रतिनिधी
नवी दिल्ली: भारत सरकारान NEET-UGचे पुनर्परीक्षेचे फाटभूंयेर भारतांत टॅलिग्राम मेसेजिंग ऍपाच्या वापराक तात्पुरती बंदी घालपाचो आदेश जारी केला.नॅशनल टॅस्टींग एजन्सी (NTA) न मंगळारा एक प्रेस रिलीज जारी करून ही म्हायती दिली.
NTAन सांगलें, इलॅक्ट्रॉनिक्स आनी म्हायती तंत्रज्ञान मंत्रालयान (MeitY) म्हायती तंत्रज्ञान कायदो, 2000 च्या कलम 69A खाला टॅलिग्रामाचेर बंदी घातल्या. ही बंदी 22 जून 2026 मेरेन लागू उरतली.
निटची पुनर्परीक्षा 21 जुनाक जातली. सरकारान परिक्षे उपरांतूय टेलिग्रामाक आपलें मॅसेज एडिट करपाचे फिचर 30 जून मेरेन बंद दवरपाचे निर्देश दिल्यात. म्हळ्यार, भारतांत टॅलिग्रामाचेर पयलींच धाडिल्ल्यो मॅसेजीस 30 जून मेरेन ऍडीट रपाक मेळच्यो नात.
NTA प्रमाण, कांय लोक टेलिग्रामाचो वापर परीक्षांनी पेपर लीक जाल्ल्याचे बनावट पुरावे तयार करपा खातीर करतात. अशा प्रकरणांक आळो घालपा खातीर आनी परीक्षेची निश्पक्षता राखपा खातीर हें पावल उबारलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
