भांगरभूंय | प्रतिनिधी
श्रीहरीकोटा, खबरां संस्था ः भारताचें पयलें शुक्र मिशन मार्च 2028 वर्सा प्रक्षेपित जातलें. केंद्र सरकारान 19 सप्टेंबराक ह्या मिशनाक मान्यताय दिली. हें मिशन चार वर्सां मेरेन चलतलें. धर्तरे सावन शुक्र गिरो सुमार ४ कोटी किमी पयस आसा.
शुक्राक धर्तरेचो जुळो गिरो अशेंय म्हण्टात. पूण हांगाचे दीस आनी रात धर्तरे परस खूब लांब आसता. शुक्र आपल्या अक्षाचेर खूब ल्हव घुंवता. हाका लागून शुक्राचो एक दीस धर्तरेच्या 243 दीसा इतलो आसा.
शुक्राच्या अभ्यासाचीं 3 कारणां…
शुक्राक धर्तरेचो जुळो गिरो अशें म्हण्टात कारण तो आकार आनी घनतायेन धर्तरेसारको आसा. देखून शुक्राचो अभ्यास केल्यार धर्तरेची उत्क्रांती समजूंक मजत जातली. एका वेळार शुक्राचेर उदक आशिल्लें, पूण आतां तो सुको आनी धुल्ल आशिल्लो गिरो जाला अशें मानतात.
१. हांगाचें तापमान 462 अंश सेल्सियस आसा. शुक्राच्या पृश्ठभागाचें तापमान सुमार 462 अंश सेल्सियस आसा. बुध हो सूर्याक सगळ्यांत लागींचो गिरो आसलो तरी तो शुक्रा परस चड उश्ण आसा. शुक्र इतलो गरम जावपाचें कारण म्हळ्यार ग्रीनहाउस इफेक्ट. हातूंत सूर्याची उश्णताय वातावरणांत भितर सरता तेन्ना थंयच आडखळून उरता आनी वातावरणांतल्यान भायर सरना. हाका लागून ह्या गिऱ्याचो पृश्ठभाग चड उश्ण जाता.
२. लँडर 2 वरां परस चड काळ काम करुंक शकना शुक्राच्या उश्णतेक लागून आतां मेरेन हांगा धाडिल्ले लँडर दोन वरां परस चड काम करपाक शकले नात. तशेंच ताचो वातावरणीय दाब धर्तरे परस खूब चड आसता.
३. शुक्राची एक परिक्रमा म्हळ्यार 243 धर्तरेचे दीस. शुक्र धर्तरेपरस खूब ल्हवू आपल्या अक्षाचेर घुंवता. शुक्राची एक कक्षा सुमार २४३ धर्तरेच्या दिसां इतली आसता. हेर गिऱ्यांच्या तुळेंत शुक्र आपल्या अक्षाचेर उलटो फिरता (उदेंत ते अस्तंत) घुंवता. हाचो अर्थ शुक्रार सूर्य अस्तंतेक उदेता आनी उदेंते वटेन सुर्यास्त जाता.
मिशन व्हीनस म्हणल्यार कितें?
भारताच्या ह्या मिशनांत शुक्राचे कक्षेचो अभ्यास जातलो. तातूंत गिऱ्याचो पृश्ठभाग, वातावरण, आयनोस्फीअर (भायलें वातावरण) हांचेविशीं म्हायती एकठांय करतले. शुक्र सूर्याक लागीं (सुमार ११ कोटी किलोमीटर) आसा. अशे स्थितींत सुर्याचो ताचेर कितें परिणाम जाता? हें लेगीत कळटलें.
भारत शुक्राक कसो पावतलो?
भारत मार्च 2028 वर्सा शुक्र मिशन सुरू करतलो. उपरांत तो सूर्या सावन सगळ्यांत पयस आनी धर्तरेक सगळ्यांत लागीं आसतलो. हे खेपे प्रक्षेपण फुडें धुकलल्यार फुडली संद 2031 वर्सा मेळटली, कारण तेन्नाच तो परतून धर्तरेक सगळ्यांत लागीं आसतलो. हो उपगिरो धर्तरे वयल्यान सोडटले. धर्तरेचे कक्षेंत पावतकच तो शुक्राकडेन वेगान वतलो. हो उपग्रह धर्तरेचे कक्षेंतल्यान भायर सरतकच शुक्रा कडेन पावपाक सुमार 140 दीस लागतले.
चार वर्सां शुक्राचो अभ्यास करतले…
ह्या मिशनांत चार वर्सां शुक्राचो अभ्यास जातलो आनी ताचें आयुश्य चार वर्सां आसतलें. शुक्रयान जीएसएलव्ही मार्क-2 रॉकेटान प्रक्षेपित जावपाची शक्यताय आसा. शुक्रारायनाचें वजन सुमार 2500 किलो आसतले. तातूंत 100 किलो वजनाचे पेलोड आसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
